Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Тазыктырынар, амыраар арга болор

02.03.2018

Алтай Республиканыҥ башчызы Александр Бердников Чой аймакла ишмекчи јол-јорыкла јӱреле, Сӧӧй јуртта болгон. Ол туу-чаначылардыҥ мындагы школыныҥ ла культураныҥ тудулып јаткан туразыныҥ айалгаларын шиҥдеп кӧргӧн.

Бу школ 40 јыл кирези кайра ачылган, узак ӧйдиҥ туркунына анда бойыныҥ оҥду туразы болбогон. Спортчылардыҥ школыныҥ туразы муниципал бюджеттиҥ акчазыла 2015 јылда тудулып башталган. Александр Бердниковтыҥ 2016 јылда кӱчӱрген айда берген јакылтазы аайынча туу-чаначыларга керектӱ јазалдар садып аларына ла строительство учун кредитор тӧлӱни тӧлӧӧрине 1 миллион салковой чыгарылган болгон.

«Туу-чана спортло тазыктырынарга кӱӱнзеп турган улустыҥ тоозы кӧп. Олор мында тазыктырынарга, јуугындагы јурттардаҥ келгилейт. Коомой эмес тура тудулып калган, мында улус кийинер ле амыраар арга-айалга бар, сууны ӧткӱрип салган. Эмди бери јолды ла тураны учына јетире јазаарына, подъемниктиҥ модернизациязына акча чыгарары јанынаҥ јӧп јарадылып калган. Ӧткӱрилип турган мындый иштер бистиҥ эл-јонды, анчада ла балдарды спортко ла су-кадык јӱрӱм јӱрерине тартып аларына јарамыкту айалгалар тӧзӧйт» — деп, башчы айткан.

Ол школдо тазыктыраачы болуп сегис јыл иштеп келген Юлия Манаева мында јаш та балдар, пенсионер де улус тазыктырынып турганы керегинде куучындаган. Оныҥ айтканыла, подъемниктиҥ ийде-кӱчи кирелӱ. Бу сурак аайы-бажы чыгарына олор иженип турганыс деген.
Тергеениҥ башкараачызы анайда ок культураныҥ јуртта 2016 јылда тудулып башталган туразында болуп, мындагы айалганы шиҥдеп кӧргӧн. Бу тураны тударына ол јылда федерал бюджеттеҥ јурт јерлердиҥ турумкай ӧзӱминиҥ программазы аайынча 4,96 миллион салковой акча чыгарылган болгон, республикан ла јербойындагы бюджеттердеҥ софинансирование эдилген.

Былтыр тудулып јаткан бу объектке 35 миллион салковой чыгарылган, ол акчаныҥ 30 миллион салковойы федерал бюджеттиҥ акчазы. Быјыл тудум иштерди учына јетирерине 10,7 миллион салковой ууландырылар (9,22 миллионы федерал бюджеттеҥ).

Бу тураны јылыдары, оны ла јанында јерлерди јарандырары, коммуникация, телефон колбу ӧткӱрери, ӧрт болдыртпазыныҥ системазыныҥ јазалдарын тургузары, башка-башка јазалдар садып алары јанынаҥ иштер быјыл ӧткӱрилер. Тудум иштердиҥ текши баазы 53,9 миллион салковой.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина