Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Россия Президентин талдап алган

20.03.2018

Орооныстыҥ эҥ јаан учурлу кереги – Президентти тудары тулаан айдыҥ 18-чи кӱнинде ӧтти. Алтай Республиканыҥ башчызы Александр Бердников тергеебистиҥ ӱнбереечилерине талдаштарда эрчимдӱ турушкан учун јаан быйанын айтты.

Кару јерлештер, Алтай Республиканыҥ эл-јоны! Орооныстыҥ јӱрӱминде эҥ јаан учурлу политический керек – Россия Федерацияныҥ Президентине талдаштар тӱгенди. Озолондыра кӧргӱзӱлерле, Алтай Республикада ӱнбереечилердиҥ 64,81 проценти талдаштарга келген. Бу коомой эмес турулта деп айдар керек. Сибирский федерал округта бис он эки тергеедеҥ алтынчы јерде. Туулу Алтайда Президент Путинди талдаштарга келген ӱнбереечилердиҥ 70,62 проценти јӧмӧгӧн. Мынызы 2012 јылда ӧткӧн талдаштардыҥ кӧргӱзӱзинеҥ бийик. Ол тушта В. В. Путин республикада 66,87 процент алган эди. Президентке болгон јӧмӧлтӧ калганчы јылдарда бийиктеген. Мынызы В. В. Путинниҥ Алтай Республиканыҥ ӧзӱмине кӧпти эдип турганын эл-јон кӧрӱп турганын темдектейт. Тергеебисте кӧп тоолу социальный объекттер тудулган. Горно-Алтайск каланы алар болзо, газ келген, стадион, музей, бассейн, театр, акробатиканыҥ тӧс јери тудулган, аэропорт ижин орныктырган ла оноҥ до ӧскӧ иштер эдилген. Калада јаткан ӱнбереечилердиҥ 66 проценти Путинди јӧмӧгӧн. Калада ла Майма аймакта турулталар, ӧскӧ аймактарга кӧрӧ, јабыс. Jаҥныҥ органдары бу айалганы ајаруга алар ла кандый једикпестердеҥ улам мындый турулталар болгонын шиҥдеер. Мыныҥ аайына чыгып, једикпестерди јоголторы, эл-јонныҥ јӱрӱмдик сурактарын чечери аайынча иштеер. Талдаштар конкурентный айалгада ӧткӧн. Бисте кажы ла талдаштар јаан конкуренцияда ӧдӧт.

Анчада ла ыраак аймактарда јаткан эл-јонго, алтайлар јаткан аймактарга быйанымды айдар кӱӱним бар. Талдаштар алдында кандый коптор, јабарлаштар болбоды. Jе турулталар чек башка болды. Кан-Оозы, Кош-Агаш, Улаган, Оҥдой аймактардыҥ эл-јоны эрчимдӱ туружып, Президенти јӧмӧгӧн. Кан-Оозы аймакта талдаштарга келген ӱнбереечилердиҥ 81 проценти Президентти јӧмӧгӧн. Бу аймактыҥ Санаровка деген оогош јуртында јадып турган ӱнбереечилердиҥ 80 проценти талдаштарга келген ле олордыҥ 96,88 проценти Путинди јӧмӧгӧн. Кан-Оозы аймактыҥ Усть-Кумир, Jодролу, Jабаган, Кош-Агаш аймактыҥ Кӧкӧрӱ ле Jазатыр јурттарыныҥ ӱнбереечилериниҥ 90 проценти эмдиги Президенти јӧмӧгӧн болуп јат. Бийик кӧргӱзӱлер Оҥдой аймактыҥ Кӱпчеген, Кӧксуу-Оозы аймактыҥ Кујурлу, Улаган аймактыҥ Балыкчы јурттарында темдектелген.
Ӱнбериш те, турулталарды чоттооры да онлайн-трансляция ажыра ӧткӧн. Анайда ок наблюдательдер, ол тоодо ӧскӧ ороондордоҥ келгендери болгон. Бастыразы ла талдаштарды бузуштар јогынаҥ ӧткӧнин айткан.

Кӱндӱлӱ јерлештер, ажиотаж божогон ло талдаштар тӱгенген. Эмди биске республикабыстыҥ эл-јоныныҥ јадын-јӱрӱмин јарандырарына иштеер керек.

А. БЕРДНИКОВ,
АР-дыҥ башчызы, башкарузыныҥ председатели

ТОП

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.        Олег Хорохордин, Алтай Республиканыҥ башчызы, башкарузыныҥ председатели: «Мени Алтай Республиканыҥ удурумга башчызыныҥ молјуларын бӱдӱрер јамыга тудардаҥ  озо

«Подвиг и Слава!»

Положение о республиканском конкурсе детских рисунков и сочинений «Подвиг и Слава!», посвященного  75-летию Победы в Великой Отечественной войне 1941 — 1945 гг., на страницах республиканских газет «Алтайдын Чолмоны» и «Звезда Алтая» Общие положения Республиканский конкурс творческих работ «Подвиг и Слава!» (далее — Конкурс) направлен на повышение интереса детей Республики Алтай к изучению российской истории, сохранению

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти. «Гуркин» деген телекейди эмдиги улус бойына ӧткӧн чактыҥ 80-90 jылдарында ачып баштаган. Ороондо башталган политикалык