Россия. Севастополь. Крым

20.03.2018

Тулаан айдыҥ 18-чи кӱнинде Горно-Алтайск каланыҥ В. И. Ленинниҥ адыла адалган тӧс тепсеҥинде «Россия. Севастополь. Крым» деп адалган митинг-концерт ӧтти.

Митинг-концерт јербойыныҥ јондык организацияларыныҥ баштаҥкайы аайынча ӧткӱрилген. Бодоштыра айтса, анда кайда да 3 муҥ кире кижи турушкан.

Митинг-концерттиҥ тӧс амадузы Крым Россияныҥ составына киргениниҥ 4 јылдыгын темдектеери болгон. Кӧдӱриҥилӱ митингти Алтай Республиканыҥ Jондык палатазыныҥ турчызы, муниципал тӧзӧмӧлдӧрдиҥ совединиҥ бӱдӱреечи директоры Денис Власенко ачкан. Ол јуулган албаты-јонды бу јаан учурлу керекле, чындап та тӧрӧлчи учурлу байрамла уткыган.

Десантниктердиҥ биригӱзиниҥ Алтай Республикадагы тергеелик бӧлӱгиниҥ јааны Аскар Тулебаев куучын айдып, орооныстыҥ тӱӱкилик элестерин эзеткен:«Бойыныҥ ӧйинде Совет Союзтыҥ албатызыныҥ кӧбизи ороонды јайратпазы учун ӱндерин 1991 јылда берген де болзо, ол бирги Ельцин, Горбачев деген немелер ороонды јайрадып салгандар. Шак ол тушта Крым Россияныҥ составында артып калган. Тӧрт јыл кайра Крымныҥ албатызы јалтанбазын кӧргӱзип, Россияныҥ составына кирери јанынаҥ референдум ӧткӱрген. Анайып Крым тӱӱкилик Тӧрӧлине кайра бурылган».

Анайда ок А. Тулебаев бистиҥ кӧп тоолу јерлеш-десантниктер референдум ӧдӧр тушта јеткер-неме болбозын јеткилдееринде турушканын темдектеп, бу каруулу керекте Мужество орденниҥ кавалери Каир Тандыбаев база турушкан деген.

Митингтиҥ туружаачыларын анайда ок Jондык палатаныҥ турчызы, «Jондык баштаҥкайлар» деген фондтыҥ башкараачызы Артур Сабин, «Jеҥӱниҥ волонтерлоры» деген тергеелик бӧлӱктиҥ бӱдӱреечи комитединиҥ председатели Вадим Фефелов база уткыган.

Концертте Нина Колондина, Владимир Попошев, Бийсктиҥ «Nоль три» деген группазы турушкан. Улустыҥ айтканыла, митинг-концерт олорго јараган.

А. СУЛУКОВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина