Кажы ла кижиге таҥынаҥ ајару

26.03.2018

Россия Федерацияныҥ Социальный страхованиениҥ фондыныҥ Алтай Республика аайынча тергеелик бӧлӱгиниҥ координационный совединиҥ јууны тулаан айдыҥ 15-чи кӱнинде ӧткӧн.

Тергеелик бӧлӱктиҥ јааны Светлана Кудрявцева башкарып ӧткӱрген јуунда 2017 јылдыҥ турулталары кӧрӱлген ле 2018 јылда бӱдӱретен иштердиҥ ууламјылары темдектелген.
Бу јуунда башка-башка министерстволордыҥ ла ведомстволордыҥ, медициналык учреждениелердиҥ ле јондык организациялардыҥ чыгартулу улузы, анайда ок Государственный Думаныҥ депутады Иван Белеков турушкан.

Jуун башталардаҥ озо Светлана Кудрявцева «2017 јылдыҥ турулталары аайынча Алтай Республикада кыйалтазы јогынаҥ социальный страхование аайынча эҥ артык страхователь» деп конкурстыҥ финалисттерин кайралдаган. Jылдыҥ ла ӧдӱп турган конкурста јеҥӱчилдер болуп чыккандарды адабас арга јок. Анайып, «Ишчилериниҥ тоозы 100 кижидеҥ кӧп эҥ артык страхователь» деген номинацияда РФ-тыҥ Пенсионный фондыныҥ Алтай Республика аайынча бӧлӱги кайралдаткан. Анайда ок Быйанду самаралар «Ишчилериниҥ тоозы 50-неҥ 100 кижиге јетире эҥ артык страхователь» деген номинацияда Алтай Республиканыҥ «Майманыҥ јуртээлемдик техникумы» деп автоном профессионал ӱредӱлӱ учреждениезине, «Ишчилериниҥ тоозы 50 кижиге јетире эҥ артык страхователь» деген номинацияда «Ӱредӱ-консультационный тӧс јер» ООО-го ло «Эҥ артык страхователь — јалдап алган ишчилерлӱ таҥынаҥ аргачы» деп адалган номинацияда А. Воробьевага табыштырылган.

Оноҥ ары С. С. Кудрявцева, А. Н. Чичинов, Л. И. Кожемякина-Санарова ла И. Ю. Евдокимова јуунныҥ туружаачыларына РФ-тыҥ Социальный страхованиениҥ фондыныҥ Алтай Республика аайынча тергеелик бӧлӱгиниҥ 2017 јылда ӧткӱрген ижиниҥ турулталары аайынча јетирӱ эткен. Анда айдылганыла болзо, производстводо болгон јеткерлӱ учуралдарга ла профооруларга эдилген страховой взностордоҥ кирелтелер аайынча план калганчы тӧрт јылдыҥ туркунына 103 процентке бӱткен. 2017 јылда чыгымдардыҥ кӧп сабазы страховкалу граждандарга чике тӧлӧмирлер аайынча пилотный ӱлекер-проектти јӱрӱмде кийдирерине ууламјылалган. Ороондо экономикалык айалга кӱч те болзо, је бу ӱлекер јонјӱрӱмдик јанынаҥ тузалу болгонын јуунныҥ туружаачылары темдектеген.

Иште сынык-бычык эмезе оору алгандардыҥ медициналык реабилитациязы аайынча государственный јакылта соцстрахтыҥ Алтай Республика аайынча тергеелик бӧлӱгиниҥ ӧткӱрип турган ижиниҥ шылтузында 100 процентке бӱткени база темдектелген. Аҥылу ајару кенек улусты реабилитацияныҥ јазалдарыла јеткилдеерине эдилген эмтир. 2017 јылда кенек балдардыҥ бастыразы андый јазалдарла јеткилделгенин аҥылап темдектеер керек. Электронный больничный листтерди јӱрӱмге кийдирери аайынча иш јакшы кеминде барып јатканын докладчиктер база темдектеген. Тургуза ӧйдӧ Алтай Республикада андый 4387 «больничный» берилген эмтир. Ол бастыра берилген больничный листтердиҥ 26 проценти болуп јат. Государственный јеткилдештерди электронный бӱдӱмле бӱдӱрериниҥ кеми база бийиктейт. Бу јанынаҥ 2017 јылдыҥ кӧргӱзӱлери, 2016 јылдыйына кӧрӧ, билдирлӱ кӧптӧгӧн.

Jуунныҥ туружаачылары координационный советтиҥ 2018 јылга темдектеп алган ижиле таныжып, јӱрӱмге кийдирерге турган јаҥы баштаҥкайларды јӧмӧгӧн.
Координационный советтиҥ турчылары бу тергеелик бӧлӱктиҥ ижин јакшы деп темдектеген.

К. ЯШЕВ

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде