Наурыз —албатыныҥ текши байрамы

27.03.2018

Тулаан айдыҥ 25-чи кӱнинде Горно-Алтайсктыҥ тӧс тепсеҥинде албатылардыҥ Наурыз байрамы ӧтти.

Бу байрам јаҥжыкканы аайынча кӧп албаты-јонды јууйт, сӱӱндирет. Jастыҥ, ар-бӱткен јаҥырганыныҥ, јаҥы јыл башталганыныҥ јаркынду ла канча чактарга улалып келген бу байрамы бистиҥ тергееде јаҥжыкканы аайынча башка-башка укту албатыларды бириктирет, байрамдык ойын-јыргалга кычырат.

Каланыҥ администрациязыныҥ јааны Ольга Сафронова тӧс тепсеҥде јуулган албаты-јонго баштанган бойыныҥ уткуулду сӧзинде бу байрамныҥ учуры керегинде айдып тура, оныҥ албатылар ортодо најылыкты тыҥыдарына, албатылардыҥ культураларын байыдарына јаан учурын аҥылап темдектеген. Jастыҥ байрамына учурлай кӧп јараш сӧстӧр, албаты-јонго јакшынак кӱӱнземелдер айдылган. Албатыга уткуулду сӧстӧрин айткандар улуска бек су-кадык, јастыҥ јаражын, амыр-энчӱ, эҥке-тоҥко јадын-јӱрӱм кӱӱнзеген.

Бу кӱнде каланыҥ тӧс тепсеҥинде ӧткӧн байрамдык программада башка-башка ойындар, кӧрӱлер, маргаандар болгон. Наурыз байрамды темдектеп турган башка-башка укту албатылар кӧрӧӧчилерге јакшынак кӱӱн-санаа сыйлаган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина