Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Jӱрӱми, сӱӱжи – биједе

06.04.2018

Павел Кучияктыҥ адыла адалган эл театрда тулаан айдыҥ 30-чы кӱнинде эмдиги ӧйдиҥ бијезиниҥ албаты ӧмӧлиги деп адалган «Декаданс» ансамбль (художественный башкараачызы Алтай Республиканыҥ нерелӱ ишчизи Анжелика Корчуганова) «Мениҥ телекейим. Мениҥ бијем. Мениҥ јӱрӱмим» деп адалган ойын-концертин кӧрӧӧчилерге сыйлады.

Ады-јолы јарлу ӧмӧлик ойын-концертин тӧзӧлгӧнинеҥ ала 25 јылдыгына, онойдо ок Горно-Алтайск каланыҥ тӧзӧлгӧнинеҥ ала 90 јылдыгына учурлап кӧргӱсти. «Декаданстыҥ» ады-јолы ыраак-јуук талаларда танылу, јарлу. Бијениҥ ӧмӧлиги јолын «Стиль» деген јаан эмес ӧмӧликтеҥ баштаган. Оныҥ туружаачылары технологический техникумныҥ кыстары ла уулдары болгон. Бир канча ӧйдӧҥ бойыныҥ бијелериле кӧрӧӧчилерди јилбиркеткен ӧмӧликти 1993 јылда каланыҥ Культура байзыҥы бойына кычырган, ол «ВА-Банк» деп адалган, башкараачызы Галина Алексеенко болгон.

Оныҥ кийнинде, 2004 јылда, хореографиялык ӧмӧлик эмдиги ӧйдиҥ бијезиниҥ «Декаданс» ӧмӧлиги деп адалып, бӱгӱнге јетире кӧрӧӧчилерге бијениҥ кайкамчылу телекейиниҥ јажыдын, јаражын ачат.

1998 јылдаҥ ала ӧмӧликти А. Корчуганова билгир башкарат. Байлык ченемелдӱ, јайаан јайалтазы тыҥытту балетмейстердиҥ тургускан кӧп тоолу бијелеринде бойыныҥ аҥылу тили сӱреен чокым кӧрӱнет. Бијениҥ тилиле кӧрӧӧчиге јӱрӱмниҥ, сӱӱштиҥ, бедиреништиҥ, једимниҥ, јылыйтуныҥ, кӧдӱриҥилӱ кӱӱн-санааныҥ, чаҥкыр амадуныҥ учуры сӱреен лапту ла јаркынду кӧргӱзилет. Ич-телекейдиҥ байлыгы бије ажыра чыгат.

«Декаданстыҥ» туружаачылары, јайаан јайалталар бијениҥ телекейинде кӧпкӧ ӱренет. Jылдаҥ јылга эмдиги ӧйдиҥ бијезиниҥ ӧмӧлигинде јӱрӱп турган балдардыҥ тоозы кӧптӧп турганы ӱредӱчи-таскадаачы балетмейстердеҥ кӧнӱ камаанду. Онойып, 2010 јылда ӧмӧликте болчомдордыҥ «Данс-сити» деген ӧмӧлиги иштеп баштаган. Бӱгӱнги кӱнде јайаан ӧмӧликтиҥ туружаачылары — 87 бала. Мында јаан, орто, оогош бӧлӱктерде каланыҥ балдары јилбиркеп ле кӱӱнзеп јӱргилейт. Ӧмӧлик ичкери ӧзӱмдӱ, ол ӱйелер колбузын лапту керелеп јат. Jайалталар једимдериле кӧрӧӧчилерди таныштырып, кураа балдарды бијениҥ куулгазын телекейине кычырат.

Бије телекейиниҥ байрамы эки сааттыҥ туркунына элес эдип ӧдӧ конды. Сценада бијелеп јаткан балдардыҥ кеп-кийимдериниҥ ӧҥжигин, јаркындузын, эптӱзин. Ӧмӧликтиҥ ойын-концертинде «Данс-сити» бӧлӱгиниҥ болчомдоры баштапкы катап сценага чыгып, једимдериле таныштырды.
Jирме беш јылга «Декаданс» ӧмӧликте кӧп-кӧп јииттер бойыныҥ ич-телекейиниҥ байлыгын ла јайалтазын ачкан. Бӱгӱнги де кӱнде олордыҥ ордына келген јаш чечектер бијениҥ телекейинде јӱрет, сӱӱнет, јакшызынат.

Эмдиги ӧйдиҥ бијезиниҥ «Декаданс» ӧмӧлигин, башкараачызы Анжелика Корчуганованы юбилейлик байрамыла, ойын-концертиле Алтай Республиканыҥ культура аайынча министри Ольга Антарадонова, Горно-Алтайск каланыҥ мэриниҥ ордынчызы Алексей Тюхтенев, каланыҥ спорт ло јашӧскӱримниҥ керектери аайынча башкартузыныҥ специализи Елена Евтушенко ло кӧп ӧскӧ дӧ улус уткып, быйанду сӧстӧрин айттылар, кереес сыйларды, быйанду самараларды јолду ээлерине табыштырды.

Анжелика Корчуганова «Декаданс» ӧмӧликтиҥ ишчилерине, јайалталу туружаачыларына, ада-энелерге, кӧрӧӧчилерге алкыш-быйанын айтты. Ол анчада ла јаан быйанын АР-дыҥ культура аайынча министерствозына, санаттыҥ тӧс јерине, каланыҥ администрациязына, культура башкартузыныҥ јааны С. Комаровага айтты. Ада-энелердиҥ балдарын таскадып, јайалталарын ачсын деп бӱдӱмји эткенин, онойдо ок ончо керектӱ кеп-кийимди кӧктӧӧргӧ, кӧрӱ-маргаандарга барарда, јол-јорыкта ӱйдежип, болужып јӱргенин баалап турганын уткуулду сӧзинде ол база темдектеди. Балдарыныҥ ичкери јолында мындый ченемелдӱ балетмейстер учурап, олорды чебер таскадып јатканын база бийик баалап, ада-энелер быйанду сӧзин акту кӱӱндеринеҥ айттылар.

К. ПИЯНТИНОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина