Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Камлакта јердиҥ сурагы курч айалгада

20.04.2018

Шабалин аймакта Камлактагы јурт јеезениҥ јааны Ирина Ивановна Арндттыҥ куучындаганыла, улусла иштейтени тегин керек эмес, кажы ла кижиле куучындажып, јӧптӧжип билер керек. Камлакты андый јаан јурт деп айдып болбозыҥ, мында 674 кижи јуртайт.

И. И. Арндт мынайда куучындаган:«Jылдаҥ јылга улалып келген курч сурактардыҥ бирӱзи — крестьян-фермерлердиҥ ээлемдери тӧзӧлбӧй турганы, оныҥ тӧс шылтагы јербойындагы башкартуда јерди ӱлештирер јаҥ јок болгоныла колбулу. Камлактыҥ јерлери федерал јерлер деп чотолот. 2017 јылда бу сурактыҥ аайы бир эмеш јарталып баштаган, је быјыл федерал јерлерге мараторий јарлалган.

Jе јербойындагы ээлемниҥ башкараачызы Камлактыҥ бойында јадып турган улуска јер јанынаҥ болужарга албаданат, анчада ла азырал белетейтен јерлер јанынаҥ, оныҥ шылтузында бир канча кижиниҥ сурагы бӱткен, ол тоодо крестьян-фермер ээлемдердиҥ.
Jай келзе, мал-ашты одорлодотон ӧй башталза, јербойыныҥ улузы одорлор јогынаҥ база артпай јат деп айдар керек.

Jе андый да болзо, мындагы фермерлердиҥ кандый бир гранттарда туружар аргазы јок, нениҥ учун дезе олордо бойыныҥ јерлери јок. Jерди тузаланары јанынаҥ аренданыҥ јӧптӧжӱзи тургузылат, јӱк ле он бир айга. Субсидияларды аларга, аренданыҥ ӧйи, ас ла болзо, ӱч јыл болор учурлу. Кыскарта айтса, мараторийди токтодор керек. Ол тушта јер јанынаҥ сурактыҥ аайы јарталар, улуска јеҥил ле эптӱ боло берер.

Jурттыҥ јерин элбедери керегинде јӧп јарадылган, ондо айдылганыла, Камлакка 200-теҥ ажыра тура, ол тоодо школ тудатан участок берилген. Быјыл сыгын айдыҥ 1-кы кӱнинеҥ ала јаҥы школды тудатан иштер башталар деп, тыҥ иженедис, не дезе, Камлактыҥ эмдиги школы болуп турган тура эки јӱс јылга јуук мынаҥ кайра тудулган.

Биске Алтай Республиканыҥ башчызы, башкарузыныҥ председатели А. В. Бердников келип јӱрген, ол тушта школды тӧзинеҥ ала чыныктаары, элбедери керегинде сурак кӧдӱрилген. Соҥында мынайда эдерге јарабас болгоны јарталган, шылтагы — школ федерал јолдыҥ јуук јанында турганы. Балдардыҥ учреждениезин јаан јолдыҥ јанында тударга јарабас.

Камлактыҥ тогус классту школына бӱгӱн јетен тогус бала јӱрет, оныҥ ла јанында балдардыҥ садиги иштейт, ого јӱрӱп турган болчомдордыҥ тоозы одустаҥ ажыра. Оныҥ учун балдарды ӱредери ле тазыктырары деген јаан учурлу ишти бийик кеминде ӧткӱрерине ӧрӧ турган јаҥдар болужар деп иженип јадыс».

Т. ТОХНИН белетеген

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина