Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Горно-Алтайскта јаҥы кереес — јуучыл самолет

24.04.2018

Алтай Республиканыҥ су-кадыкты корыыры аайынча министерствозыныҥ туразыныҥ (мынаҥ озо медучилищениҥ туразы болгон) јанында L-39 таҥмалу јуучыл самолеттыҥ кереези тургузылган.

Бу совет ӧйдиҥ реактивный самоледы мында тургузылганы тегиндӱ эмес: СССР-дыҥ јуучыл-кейдеги ийде-кӱчтериниҥ Ленинградтагы 2-чи таҥмалу аҥылу школы Ада-Тӧрӧл учун Улу јуу ӧйинде бу турага кӧчӱрилген болгон. Бу школдо келер ӧйдиҥ јуучыл летчиктери, ӧскӧ дӧ улус ӱренген. Олордыҥ тоозында болгон режиссер, актер Леонид Быков ол школ, бистиҥ кала керегинде бойыныҥ эске алыныштарында улай ла айдып туратан. Бу кижи кӧп тоолу јарлу фильмдерде ойногон, бойы режиссер до болгон. Эҥ јарлу деген фильмдериниҥ тоозында «В бой идут одни старики», мында тӧс геройлордыҥ бирӱзиниҥ ролин бойы ойногон. Бу фильм совет киноныҥ алтын кӧмзӧзине кирет.

Горно-Алтайсктыҥ мэриязыныҥ јетирӱзиле, бу кереес тергеениҥ башчызы Александр Бердниковтыҥ јакылтазыла тургузылган. Кереестиҥ ачылтазы Jеҥӱниҥ кӱниниҥ алдында ӧдӧри темдектелген. Бистиҥ калада јуучыл кереестердиҥ тоозы кӧптӧп турганы јашӧскӱрим ортодо черӱчил-тӧрӧлчи таскамал ӧткӱрерине камаанын јетиреринде алаҥзу јок. «Кем де, не де ундылбас» деген кычыру бу иште тӧс ээжи болуп јат.

L-39 таҥмалу јуучыл самолетты Чехословакияда эдип чыгарган, ол Варшавский јӧптӧжӱниҥ ороондорында тӧс ӱредӱ-тазыктыру самолет болгон. Бастыра 2,8 муҥ самолет эдип чыгарган, оны 30 ороон тузаланган.

А. СУЛУКОВ

ТОП

«Јиит улусты јӧмӧӧргӧ кичеенедис…»

Бистиҥ бӱгӱнги айылчыбыс Г.И. Чорос-Гуркинниҥ адыла адалган јондык сыйдыҥ коммерциялык эмес «Оностогы кӱрее» кӧмзӧзиниҥ башкараачызы, чӱмдӱ бичик кепке базар «Алтын Туу» байзыҥ-јурттыҥ директоры Татьяна ТУДЕНЕВА. – «Алтайдыҥ Чолмоны» газеттиҥ кычыраачыларын кирген Јаҥы 2022 јылла уткуп, бу јыл албаты-јоныска амыр-энчӱ, једимдӱ јыл болзын деп кӱӱнзейдим. Эртен алтай калыктыҥ атту-чуулу јурукчызы, јондык ла политикалык ишчизи Григорий Иванович

«Улучшать облик сибирских городов, повышать удобство жизни в них…»

Глава Республики Алтай Олег Хорохордин принял участие в совещании, посвященном итогам 2021 года и задачам на 2022 год по реализации инициатив главы государства в субъектах Федерации. Заседание Совета провел полномочный представитель Президента Российской Федерации в Сибирском федеральном округе Анатолий Серышев. Полпред отметил, что президент России в Послании Федеральному Собранию 21 апреля текущего года поставил задачи

Полпред тергеениҥ ӧзӱминиҥ аргаларыла танышкан

Россия Федерацияныҥ Президентиниҥ Сибирьдеги федерал округтагы чыдулу чыгартулу кижизи Анатолий Серышев бистиҥ тергееде ишмекчи јол-јорыкла болуп, республиканыҥ турист ле агропромышленный аргаларын шиҥдеп кӧргӧн. Ол Майма аймактыҥ јериндеги јыл туркунына иштеер «Манјӱрек» деп курорттыҥ келер ӧйдӧ ӧзӱминиҥ аргаларыла танышкан. Бу курортло колбулу ӱлекерди бӱдӱрери јанынаҥ иштер 2004 јылда башталган, 2010 јылда оныҥ баштапкы канатный јолы ла