Улу Jеҥӱниҥ кӱниле!

08.05.2018

Бу кӱнде бис ороонго тӱбек-канду болгон 1418 кӱнде ле тӱнде јеҥ јастангандарды, анайда ок ол качалаҥды ӧдӱп келген ле тургуза ӧйдӧ бистиҥ ортобыста јок улусты эзедип јадыс.

Jеҥӱниҥ кийнинеҥ 73 јыл ӧтти, ол јеҥӱ биске јеҥил эмес болгон – ондор тоолу миллион улус јӱрӱмин берген. Jе совет албатыныҥ ат-нерези ле турумкайы фашист олјочылардыҥ јолын туй алып, оодо соккон.

9 Май биске сӱӱнчиниҥ ле карыкчалдыҥ кӱни, албатыныҥ оморкодузыныҥ, солдаттардыҥ ат-нерезине јаан тоомјыныҥ кереези болот. Ол ат-нере керегинде эзем бистиҥ јӱректеристе ӱргӱлјикке артса, бис бирлик албаты болуп артарыс – кандый ла тыш јеткердеҥ качан да јана баспас, турумкай болорыс. Бӱгӱн Россия – улу ла јайым ороон.
Кӱндӱлӱ ветерандар! Бис слердиҥ алдыгарга фронттогы ат-нерегер, сыйлаган амыр-энчӱ, тылдагы ат-нерелӱ ижигер, ӧштӱниҥ тылындагы јалтанбас тартыжугар учун бажысты јабыс эҥилтип турус. Слер ийде-кӱчигерди ле су-кадыгарды бир де кысканбай, Jеҥӱниҥ кӱнин јууктатканыгар.

Бистиҥ јерлештеристиҥ јеҥӱге камаанын јетиргенин качан да ундыбазыс – 1941 јылда Ойротияныҥ кажы ла тӧртинчи кижизи, бастыразына јуук эр улузы фронтко атанган. Олордоҥ 25 кижи Совет Союзтыҥ Геройлоры болгон, бирӱзи Мактыҥ ордендериниҥ толо кавалери. Анайда ок Туулу Алтайдыҥ 6,5 муҥнаҥ кӧп уулдары ла кыстары јуучыл ордендерле, медальдарла кайралдаткан.

Улуска јажынаҥ, эр кижи эмезе ӱй кижи болгонынаҥ, угынаҥ, кудай јаҥынаҥ камааны јогынаҥ бу кӱн – Улу Jеҥӱниҥ кӱни бистиҥ кажыбыска ла агару керек, эземниҥ ле оморкодуныҥ кереези, бойыстыҥ Тӧрӧлиске ле албатыбыска јаан сӱӱштиҥ, олјочылардаҥ јайымдаганыныҥ, бастыра телекей ичинде амыр-энчӱниҥ темдеги болуп јат.
Слердиҥ кажыгарга ла бек су-кадык, једимдер, эҥке-тоҥко јадын-јӱрӱм кӱӱнзейдис. Ӱстигердеги теҥери јаантайын амыр-энчӱ турзын, јаныгарда јуук улузыгар ла чындык најыларыгар болзын. Байрамла!

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым