Бис ундыбаганыс! Бис оморкойдыс!

11.05.2018

Улу Jеҥӱниҥ кӱни кажы ла россиянинге эҥ учурлу ла јаан байрамдардыҥ бирӱзи болуп јат, нениҥ учун дезе јууныҥ от-канады кажы ла билеге тийген.

АР-дыҥ Jаргычыларыныҥ соведи улу байрамныҥ алдында бир канча керектер тӧзӧп ӧткӱрген.
Кандык айдыҥ 20-чи кӱнинде Ада-Тӧрӧл учун Улу јуудагы Jеҥӱниҥ 73-чи јылдыгына учурлай, кычыраачылардыҥ «Jеҥ јастангандардыҥ эземине туругар» деген јайаандык конкурсы ӧткӱрилген. Конкурста 29 туружаачы болгон. Олор — Алтай Республиканыҥ Ӱстиги јаргызыныҥ, Арбитраж јаргызыныҥ аппараттарыныҥ, аймактардыҥ (каланыҥ) јаргыларыныҥ, јӧптӧштирер јаргы участоктордыҥ јаргычылары, ишчилери ле ишчилериниҥ балдары. Туружаачылар јууныҥ ӧйиниҥ ӱлгерлик ле прозалык чӱмдемелдерин кычыргандар. Туштажу эземниҥ бир минут унчыкпай туружынаҥ башталган. Jайаандык конкурсты АР-дыҥ Арбитраж јаргызынаҥ тӧрт јашту Кирянова Полина ачып, Анатолий Болутенконыҥ «Сорок пятый» деп ӱлгерин кычырган.

Конкурста «Ӱргӱлјик отто», «Эне керегинде баллада», «Почтальон керегинде ӱлгерлер», «Jаантайын јуу-согушта» ла кӧп ӧскӧ дӧ ӱлгерлер кычырылган. Конкурстыҥ бастыра туружаачылары талдаган чӱмдемелдерди тереҥ сезимдӱ кычыргандар, жюриниҥ турчылары да, угаачылар да урулып келген кӱӱн-санаадаҥ, ӧкпӧӧриштеҥ кӧстиҥ јажын тудуп болбогон.

Кандык айдыҥ 27-чи кӱнинде «Спартак» стадиондо спортивный триатлонло маргаандар ӧткӧн. Маргаандардыҥ туружаачыларыныҥ велосипедле брус јолло ӧдӧри, 10 метр ыраагынаҥ гранатаны чике таштаары ла 100 метрге спорт базышла ӧдӧри аайынча ӱч бӱдӱм маргаандар ӧткӱрилген. Маргаандарда АР-дыҥ Ӱстиги јаргызыныҥ, Арбитраж јаргызыныҥ, аймактардыҥ (каланыҥ) јаргыларыныҥ, јӧптӧштирер јаргылардыҥ башкараачылары ла јаргычылары, отставкадагы кӱндӱлӱ јаргычылар, Jаргы департаменттиҥ Алтай Республикада башкартузыныҥ, АР-дыҥ јӧптӧштирер јаргыларыныҥ ижин јеткилдеер комитеттиҥ башкараачылары турушкан. Маргышкан улус спорттогы чын ӧктӧмин, јеҥӱге јӱткӱмелин кӧргӱскен.

Кӱӱк айдыҥ 4-чи кӱнинде Jеҥӱниҥ паркында мемориалга чечектер салар кӧдӱриҥи ӧткӧн. Ӱргӱлјик оттыҥ јанында кӧдӱриҥилӱ бу керектиҥ туружаачыларыныҥ алдына уткуулду сӧстӧрин АР-дыҥ Jаргычыларыныҥ совединиҥ председатели Н. И. Сумачакова айткан. Jуулган улусты тергеениҥ Арбитраж јаргызыныҥ председатели В. О. Шермер база уткыган. Jаргы департаменттиҥ Алтай Республикада башкартузыныҥ председатели Р. П. Нонуков, отставкадагы јаргычы Н. Г. Карпова база уткуулду сӧстӧрин айдышкан.

Эземниҥ керектеринде турушкандар 1941-1945 јылдарда Ада-Тӧрӧл учун Улу јууныҥ јуу-согушту јалаҥдарында ла тылда бойлорыныҥ јӱрӱмин де карамдабай, ат-нерезин кӧргӱскен јуук улузы керегинде јылу ла ол ок ӧйдӧ карыкчалду эске алынгандар.

РФ-тыҥ јаргы департаменттиниҥ Алтай Республикада башкартузы

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.