Кӧк-бӧрӱчилер Кӱр-Кечӱде маргышкан

11.05.2018

Ӧткӧн амыраар кӱндерде Кӱпчеген јурттаҥ ыраак јокто Кӱр-Кечӱ ӧзӧктӧ Кӧк-Бӧрӱ аайынча Оҥдой аймактыҥ маргаандары ӧткӧн.

Беш команда эки кӱнге улай маргышкан: спорттыҥ бу бӱдӱминде јарлу «Jоло», былтырдаҥ бери ойноп баштаган «Шашыкман», узак ӧйдиҥ бажынаҥ такып јалаҥга чыккан «Оҥдой» ло «Каракол» командалар. Оҥдойдыҥ ла Караколдыҥ командаларын бу јурт јеезелердиҥ јаандары Эзендей Тепуков ло Чедирген Тарбанаев башкарган деп айдар керек.

Маргаандарды тӧзӧп ӧткӱрген улустыҥ темдектегениле, анда бастыра 65 спортчы турушкан.
Бу маргаандарды Оҥдой аймактыҥ администрациязыныҥ јӧмӧлтӧзиле Кӱпчегенниҥ јурт јеезези ӧткӱрген. Спорттыҥ бу бӱдӱми аайынча маргаандар ӧдӧрдӧ, спонсорлык болуш јетирип турган улус бу да учуралда јӧмӧлтӧзин јетирген.
Кӧрӧӧчилердиҥ ле туружаачылардыҥ шӱӱлтезиле, маргаандардыҥ ачылтазы кӧдӱриҥилӱ ле јараш ӧткӧн. Анда бӱткӱл аймактыҥ албаты ӧмӧликтериниҥ 100-теҥ кӧп туружаачызы јаҥар кожоҥ чӧйип, ойындар јакшы ӧтсин деп алкаган.
Маргаандар башталар алдында, бу ок аймактыҥ јарлу кижизи, РФ-тыҥ нерелӱ артизи, Кӧк-Бӧрӱле ӧткӧн маргаандардыҥ јаантайынгы комментаторы болгон ло бир канча ӧй кайра ак-јарыктаҥ јӱре берген Валерий Киндиковтыҥ ады-јолы адалган. Быјылгы маргаандардыҥ комментаторлоры Андрей Кучинов ло Ратмир Танытпасов болгон.

Jут-јулакай кӱндер де турган болзо, спортчылар јаркынду ла јараш ойындар кӧргӱскен. Ӧткӧн јылда чылап, эчкиниҥ ордына кумакла толтырылган макет тузаланылган. Мынызын кӧрӧӧчилер де, ойынчылар да тыҥ јаратпай турганын темдектеер керек. Маргаандарды тӧзӧп ӧткӱргендердиҥ айтканыла, макеттиҥ бескези 28 килограммга једет, байа эчкиниҥ бескезине тӱҥейлеш.

Тартыжулар круговой система аайынча ӧткӧн. Текши турулталар кӧрӱлген соҥында, баштапкы јерге «Jоло», экинчи јерге «Каракол» ло ӱчинчи јерге «Кӱпчеген» командалар чыккан.
«Эҥ артык табараачы» деп, Jолодоҥ Анатолий Покошев ададарда, «Эҥ артык корулаачы» деп, «Шашыкман» командадаҥ Аргымак Тенгереков адаткан.

Кӧк-Бӧрӱле аймак кеминде ээчиде маргаандар кичӱ изӱ айдыҥ 16-17 кӱндеринде Шашыкманда ӧдӧр. Бу ок кӱндерде аймактыҥ спортчыларыныҥ спартакиадазы ӧдӧри темдектелет.
Ол маргаандардыҥ турулталары аайынча Кӧк-Бӧрӱле аймактаҥ быјылгы Эл Ойында канча команда туружары јарталар.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.