Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Кујурлуныҥ јалтанбас јуучылдары

22.05.2018

Кујурлуны Кӧксуу-Оозы аймактыҥ оогош деген јурттарыныҥ бирӱзи деп, кычыраачылар билер. Шак бу јурттаҥ Ада-Тӧрӧл учун Улу јууга тӧртӧнгӧ шыдар эрлер атанган, је ойто кайра јер-Алтайына он ло кижи јанган. Олордыҥ ортозында Наай Баясович Кебеков болгон. Кычыраачыларды Jажнай эјениҥ эске алынганыла таныштырып турум.

«Мениҥ адам Наай Баясович Кебеков Кујурлу јуртта 1910 јылда Маҥырчы Матина ла Байыс Кебеков деп улустыҥ билезинде чыккан. Школдо ӱренбеген де болзо, бичик-биликти јакшы билетен. Jуунаҥ озо колхозто башка-башка иштерде иштеген: агаш та јарган, колхозтыҥ председатели де болгон. Ол ӧйдӧ госпланды ӧйинде, тутак-эш јогынаҥ бӱдӱрер керек болгон. Председатель болуп турала, адама ӱч пе айса тӧрт пӧ айга отурарга да келишкен. Аштыҥ планын бӱдӱре табыштырала, катап јакылта келгелекте деп, арткан ашты колхозчыларга ӱлеп берген. Оныҥ учун кату каруузына турарга келишкен.

1930 јылда ол Jӱстӱк деген кысла айыл-јурт туткан. Баштапкы уулы тогус айлуда јада калган. Оноҥ мен чыккам.
Адам јууга 1941 јылда атанган. Jууда ол старший лейтенант званиелӱ болгон, башка-башка фронттордо јуулажарга келишкен. Курскта да ӧткӧн от-калапту јууда турушкан.
Адам бойыныҥ черӱчил молјузын ак-чек бӱдӱрген. Jууны-чакты Германияда тӱгезип, айылына 1946 јылда јанып келген.
Ол ойто ло колхозтыҥ јааны болуп иштей берген. Ада-энем 1951 јылда јеткердеҥ улам божогон. Олорло кожо В. К. Сычева деп ӱредӱчи болгон. Олорды Кадын суу апарган.

Улу јууда мениҥ эки таайым, Михаил Майманович ле Николай Майманович Упановтор база турушкан. Михаил 1918 јылдыҥ, Николай дезе 1920 јылдыҥ. Таайларым экӱлези ӱредӱчи улус болгон, јааны Ак-Кемде, оогожы Кујурлуда балдар ӱреткен. Оноҥ озо олор рабфакты ӱренип божоткон. Михаил таайым билелӱ, бир кысту, Николай таайымда биле јок болгон.

Николай 1942 јылда Житомир калада бомбалардыҥ алдынаҥ (бомба тӱшкен турадаҥ) балдарды аргадап јадала божогон деп, похоронка келген.
Михаил дезе јууныҥ учына чыгып барадала, 1945 јылдыҥ кандык айыныҥ 29-чы кӱнинде јер јастанып јыгылган деп коркышту чаазын келген. Таайым танковый частьтыҥ командири болгон. Командирге ол јуу ӧйинде Ленинск-Кузнецк деп јерде ӱренген.

Тӧрӧлин корыган ат-нерелӱ улустыҥ ортозында бистиҥ де оогош јуртыстыҥ јалтанбас, јана баспас јуучылдары болгоныла бис оморкоп јӱредис. Jалтанбас јуучылдардыҥ ады-јолдоры ундылбазын деп, бала-баркага куучындап јӱредис. Jуртыста олордыҥ ады-јолдорын ӱргӱлјикке кереестеген кереес те бар. Мында јылдыҥ ла кӱӱк айдыҥ 9-чы кӱнинде митинг те, ойын-концерт те ӧдӧт. Бис олорго быйанду јӱредис».

Н. САЙЛАНКИНА бичип алган,
Тӱҥӱр јурт.

ТОП

Јаркынду јол кӱӱнзеген јуун

Кӱчӱрген айдыҥ 17-чи кӱнинде Эл Курултайдыҥ јетинчи тудузыныҥ ээчий XXII сессиязы ӧткӧн. Спикер Артур Кохоев башкарган јуунда 41 депутаттаҥ 38 депутат турушкан. Сессияныҥ ижинде Алтай Республиканыҥ башчызы Олег Хорохордин, онойдо ок эл-тергеелик јаҥныҥ бӱдӱреечи органдарыныҥ, республикада федерал бӱдӱреечи орган-дардыҥ башкартуларыныҥ башкараачылары, муниципал тӧзӧлмӧлӧрдиҥ јаандары ла депутаттар советтериниҥ председательдери, элбек јетирӱлер эдер эп-аргалардыҥ чыгартулу улузы турушкан.

Тергеебисте јолдор јазалат

Кӱчӱрген айдыҥ 16-чы кӱнинде «Чуйдыҥ јолы – Алтын-Кӧлгӧ јетире» федерал трассаныҥ автомобильный јолыныҥ баштапкы эки бӧлӱгиниҥ кӧдӱриҥилӱ ачылтазы ӧтти. Бу учурлу керекте Алтай Республиканыҥ башчызы Олег Хорохордин, Эл Курултайдыҥ председатели Артур Кохоев туруштылар. «Бу јолдыҥ бистиҥ бӱгӱн ачып јаткан текши узуны 14 километр эки бӧлӱги Кызыл-Ӧзӧк, Куташ ла Карасук јурттар ӧткӱре ӧдӧт. Мынаҥ озо бу

Конструктивный диалог с представителями Общественной палаты

Глава Республики Алтай Олег Хорохордин во вторник, 16 ноября, провел рабочую встречу с членами Общественной палаты Республики Алтай. Руководитель региона подчеркнул, что конструктивный диалог с представителями Общественной палаты позволяет детально обсудить и решить много социально значимых вопросов. «Сегодня многое зависит от тесного взаимодействия исполнительных и законодательных органов государственной власти, органов местного самоуправления с представителями общественности.