Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Кӱзӱҥи шыҥырап, ӱредӱ тӱгенди

25.05.2018

Кече Алтай Республиканыҥ бастыра школдорында калганчы кӱзӱҥи шыҥырап, ӱредӱзин божодып јаткан балдарды јӱрӱмниҥ јаан јолына ӱйдешти. Калганчы кӱзӱҥиниҥ кийнинде олорды баштапкы јаан ченелтелер сакып јат. 11-чи ле 9-чы класстардыҥ ӱренчиктери бирлик государственный экзамендерди ле государственный итоговый аттестацияныҥ экзамендерин табыштырар.

Республиканыҥ школдорында, гимназияларында ла лицейлеринде болгон линейкаларда быјыл одус алты муҥнаҥ ажыра ӱренчик турушкан. Кӱн-ай ӱрелип, јут-јулакай да болгон болзо, је балдардыҥ ла ӱредӱчилердиҥ кӱӱн-санаазы бу кӱнде омок ло сӱӱнчилӱ болгон. Школдо ӱредӱзин божодып јаткан балдарга јылу кӱӱнземелдерин Алтай Республиканыҥ башчызы, башкарузыныҥ председатели Александр Бердников, ӱредӱниҥ ле билимниҥ министри Алексей Бондаренко ло ӧскӧ дӧ окылу улус айткандар.

Школдордо ӱредӱлӱ јыл дезе кӱӱк айдыҥ 31-чи кӱнине јетире улалар. Кичӱ изӱ айдыҥ 1-кы кӱнинеҥ ала јайгы каникулдар башталар. Балдар кӱске јетире су-кадыгын тыҥыдып, јакшы амырап аларында кандый да алаҥзыштар јок. Быјыл башкаруныҥ иш ле ӱредӱ аайынча министерстволоры, алдындагы ла јылдарда чылап ок, олорго узун јайына јакшы амырап, су-кадыгын тыҥыдып аларга јарамыкту айалгалар тӧзӧп јат. Республикада јайгыда текши тооло балдардыҥ 232 организациязы иштеер, Быјыл башкару ӱренчиктердиҥ су-кадыгын тыҥыдарга, олорго амырайтан јакшынак айалгалар тӧзӧӧргӧ 79,8 миллион салковой акча чыгарып јат.

Кече дезе школдордо калганчы кӱзиҥи шыҥырап, ӱредӱлӱ јылдыҥ тӱгенип јатканын кереледи. Ого учурлалган кӧдӱриҥилӱ линейкаларда республиканыҥ он биринчи класстарыныҥ 1480 ӱренчиги: «Jакшы болзын, тӧрӧл школым, јакшы болзын, кару ӱредӱчилерим! Jӱрӱмде јӱс јол, јӱс јолдыҥ јӱк ле бирӱзи — бистийи!» деп омок кӱӱн-санаалу айттылар. Тоолу кӱндердеҥ бу уулдардыҥ ла кыстардыҥ кажызы ла јӱрӱминде баштапкы ла катап каруулу экзамендерге чыгар. Олорго ЕГЭ-ниҥ ченелтелерин јеҥӱлӱ ӧтсин деп кӱӱнзеп турубыс.

П. Кабар
Е. Бутушевтиҥ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина