Эл-јонныҥ су-кадыгы ајаруда

29.05.2018

Алтай Республикада Jондык албатылык фронттыҥ «Социальная справедливость» деген талалык ишмекчи бӧлӱгиниҥ эксперттери тоозыла 2 муҥга чыгара улус јуртап јаткан јерлерде јетирилип турган медициналык болуштыҥ чыҥдыйы эл-јонго јуук болгоны аайынча мониторинг ӧткӱрген.

Мониторинг ӧйинде эксперттер Майма, Чой ло Турачак аймактардыҥ 14 јуртында болгон. Олор кажы ла јурттыҥ эл-јоныла туштажып, јетирилип турган медициналык болуштыҥ чыҥдыйы јанынаҥ олордыҥ шӱӱлтелерин уккан.
«Ончо фельдшерско-акушерский пункттарда (ФАП) фельдшерлер бар. Керектӱ болушты тӱрген јетиретен эп-аргаларла, јепселдерле ончо учреждениелер јеткилделген. Тоолу ФАП-да јеткилдештиҥ некелте-ээжилери кезектей ле бӱткен. Аймактыҥ тӧс јурты Маймада фельдшерский пункт келиштире јазалган турада иштеп јат. Jе бу тура некелтелерге ле санитарный ээжилерге келишпей турганы јарталган. Медициналык јепселдерле јеткилдегени некелтелерге база бӱткӱлинче келишпей јат. Бу ок ӧйдӧ ӧдӱп јаткан јылда аймактыҥ тӧс јуртында ишке бой-бойынаҥ ыраакта турган педиатрдыҥ ла терапевттиҥ офистери табыштырылган» — деп, Алтай Республикада ОНФ-тыҥ талалык штабыныҥ турчызы, медициналык билимдердиҥ кандидады Наталья Рау темдектеди.

ОНФ-тыҥ чыгартулу улузыныҥ темдектегениле, Муны-Оозы ла Паспаул јурттардыҥ јаҥы ФАП-тары ончо некелтелерге келижет, је олордо јаҥыс пандустар јок.
«Бистиҥ ӧткӱрген анкетированиеге онойдо ок транспортло, Интернетле јеткилдешле, кенек улуска керектӱ айалгала, аргаларла, медјеткилдешле колбулу сурактар база кирген. ФАП-тар бар јурттардыҥ эл-јоны медициналык болуш јанынаҥ сурактарга јарамыкту каруулар берген. Jурт јердиҥ улузы бойлорыныҥ фельдшерлериниҥ профессионал узын, ченемелин ле јалакай кылык-јаҥын темдектедилер. Ајарулар јӱк ле тӧзӧмӧл ишле колбулу болгон» — деп, Алтай Республикада ОНФ-тыҥ талалык бӧлӱгиниҥ турчызы Наталья Гусельникова айтты.

Майма аймактыҥ Карлушка, Чой аймактыҥ Туньжа јурттарыныҥ ФАП-да јазал иштер ӧдӧт. Айдарда, бу јурттардыҥ ла Советский јурттыҥ (Чой аймак) кӧп лӧ јаны јаштары јаан улус ла балдары оогош билелер фельдшерский пункттар јок болгоныла колбулу сурактарыла эксперттерге комыдадылар. Олордыҥ айтканыла, аймактардыҥ тӧс јерлеринеҥ врачтар келип те турган болзо, каа-јаада ла, Советский јурттыҥ бир респонденти инсульт болгон оору кижиге тӱрген болушты алдыртарга келишкен ле је тӱрген болушты узак ӧйгӧ сакыганы керегинде айтты.

Эл-јонныҥ тоозы 100-теҥ ала 2 муҥга једип турган јурттарда 2018-2020 јылдардыҥ туркунына ФАП-тар ла врачебный амбулаторияларды ачары јанынаҥ ороонныҥ президенти, ОНФ-тыҥ лидери Владимир Путин 2018 јылдыҥ тулаан айыныҥ 1-кы кӱнинде Федерал јуунга ийген баштанузында айткан. Мыныла колбой ол ОНФ-ты эл-јонло јуук колбуда болуп, јербойында, јурт јерлерде мониторингти ӧткӱрзин деп сураган.

Ӧткӱрилген мониторингтиҥ турултазын эксперттер республиканыҥ су-кадыкты корыыр министерствозыныҥ ла аймактыҥ эмчиликтериниҥ чыгартулу улузыла кожо ОНФ-тыҥ «Социальная справедливость» деген талалык ишмекчи бӧлӱгиниҥ јуунында кӧрӧр.

ОНФ-тыҥ Алтай Республикадагы талалык бӧлӱгиниҥ исполкомы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым