Кереес — пограничниктерге

29.05.2018

Кӱӱк айдыҥ 28-чи кӱнинде Горно-Алтайск калада черӱчил молјузын гран-кыйуда бӱдӱрген пограничниктерге учурлалган кереес-памятниктиҥ кӧдӱриҥилӱ ачылтазы ӧткӱрилди. Пограничниктер керегинде кӧп бичилген, кинолор согулган. Олордыҥ јалтанбазын Афганистан, Таджикистан, Тӱндӱк Кавказ эмдиге ундыбаган.

Jерине кайра бурылбай, јажына јиит арткан пограничник-јуучылдарды кереестиҥ ачылтазында бир минуттыҥ туркунына унчукпай тым туруп эзеттилер.
Ачылтада АР-дыҥ башкарузыныҥ Председателиниҥ ордынчызы Роман Птицын турушкан. Уткуулду сӧсти пограничный службаныҥ ветерандарыныҥ Алтай Республикадагы «Рубеж» деп јондык биригӱзиниҥ јааны Г. Г. Хабиев айткан. Ол эмди пограничниктерде туштажып, молјузын бӱдӱрген ӧйлӧрин эске алып турар јер барын темдектеди. Кереести тургузарында јӧмӧлтӧ-болужын јетирген М. У. Киндиковага, А. Н. Модоровко, Б. М. Адаровко, Ю. В. Ильиныхка, В. Г. Зяблицкийге, Г. П. Крачнаковко ло оноҥ до ӧскӧлӧрине быйанду сӧстӧр айдып, сыйлар табыштырды.
Ээчиде сӧс РФ-тыҥ Госдумазыныҥ депутады Д. Ф. Вяткинге берилген. «Пограничник-јуучыл молјузын бӱдӱрип тура јӱрӱмнеҥ эрте јӱре берген уулдардыҥ ады-јолы ундылбас, олордыҥ ады-јолыла школдор, заставалар ла кадеттердиҥ класстары адалат» — деп, ол айтты. Олордыҥ аттары ундылбазына база јаан ајарулу ишти пограничный службада тургуза ӧйдӧ иштеп тургандар бӱдӱрет.
Пограничный службаныҥ 100 јылдыгыла колбой, ижинде јеткен бийик једимдери учун Быйанду самара подполковник И. В. Шиловко табыштырылды.
Jашӧскӱримди тӧрӧлчи кӱӱнге таскадып турган улус ла пограничниктердиҥ биригӱлери јаш ӱйени чындык јолго бурып, таскадып јӱргени јакшынак баштаҥкай болгонын Госдуманыҥ депутады Р. Б. Букачаков аҥылап темдектеди.
Пограничниктердиҥ байрамына учурлай быјыл бистиҥ тергееде экинчи катап мотојарыш ӧдӱп јат. Бу јарыш бис гран-кыйулу јерде јатканысты ундыбазына кычыру деп, оныҥ баштаачызы С. Крестьянинов айтты.
Кереести амыралтадагы полковниктер Г. Г. Хабиев, Д. Ф. Вяткин ле полковник А. В. Кайгородов ачтылар.
Россияныҥ ФСБ-зыныҥ Алтай Республика аайынча Погран башкартузыныҥ јааны А. В. Кайгородов пограничниктерди байрамыла база уткыды. Кереестиҥ ачылтазында эрчимдӱ ижи учун пограничниктерди ле једимдӱ ӱредӱзи учун аҥыланган кадеттерге база Быйанду самаралар ла грамоталар табыштырылды.
Кереести иерей Владислав агару суу чачып алкаган кийнинде, кереестиҥ јанына венок ло чечектер салылды.

М. Ябыкова

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир