Башчыга — Президенттиҥ Быйанду самаразы

19.06.2018

Алтай Республиканыҥ башчызы Александр Бердников РФ-тыҥ Президентиниҥ талдаштары аайынча талдаачы кампанияда эрчимдӱ турушканы учун Россия Федерацияныҥ Президенти Владимир Путинниҥ Быйанду самаразыла кайралдаткан.

Башчыга кӱндӱлӱ кайралды РФ-тыҥ Президентиниҥ Сибирьдеги федерал округтагы чыдулу чыгартулу кижизиниҥ болушчызы бистиҥ тергееле ишмекчи јол-јорыгы ӧйинде табыштырган.
Россияныҥ Президентиниҥ талдаштарында Алтай Республиканыҥ ӱнбереечилериниҥ 64,77 проценти турушкан. Ол улустыҥ 71 проценти ӱндерин бӱгӱн ороонныҥ башкараачызы болуп турган Владимир Путин учун берген. Бу кӧргӱзӱ 2012 јылдагы талдаштардыйынаҥ бийик, ол тушта талдаштарда турушкандардыҥ 66,87 проценти ӱндерин ол учун берген болгон.
Тергеениҥ башчызы Александр Бердников талдаштар ачык-јарык ла конкуренциялу айалгада, талдаштардыҥ јасакберимин јаан бузуш јогынаҥ ӧткӧнин јаҥыс катап эмес темдектеген.
«Талдаачы кампания ӧдӱп калды. Бӱгӱнги бистиҥ иш-амадубыс ол ло бойынча артат — албаты-јонныҥ јадын-јӱрӱминиҥ айалгаларын јарандырар, керек дезе Туулу Алтайдыҥ эҥ ыраак толыктарында јадып тургандардыҥ» — деп, Александр Бердников айткан.

АР-дыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым