Эмчилерге — эземниҥ доскозы

22.06.2018

Тергееде бала табарыныҥ баштапкы ла службазын тӧзӧӧринде турган эмчилерге учурлалган мемориал доско Горно-Алтайсктыҥ бала табар баштапкы туразында тургузылды. Гранитте Полина Павловна Иванованыҥ, Полина Андреевна Тарасованыҥ, Нонна Михайловна Дейникинаныҥ аттары ӱргӱлјикке бичилип калды.

Бу керекти баштаган ла тӧзӧгӧн кижи РФ-тыҥ нерелӱ врачы, АР-дыҥ врачтарыныҥ ассоциациязыныҥ председатели Федор Федотов. Оныҥ айтканыла, бу јондык организация Туулу Алтайда су-кадыкты корыырын ӧскӱрерине јаан камаанын јетирген врачтардыҥ аттарын јылдыҥ ла ӱргӱлјикке артырат. 2016 јылда Туулу Алтайда дипломду баштапкы ла врач Михаил Иволинге учурлалган мемориал доско баштапкы миссионер эмчиликте тургузылган. Бу ок јылда Шабалин аймактыҥ Мыйту јуртында ФАП-та дипломду баштапкы алтай врач Виктор Тибер-Петровко учурлай мемориал доско тургузылды. Былтыр республикан психиатрический эмчиликте (алдында областьтыҥ эмчилиги) ат-нерелӱ врачтардыҥ аттары бичилген мемориал доско ачылган.

Jуулган улусты АР-дыҥ су-кадыкты корыыры аайынча министри Владимир Пелеганчук уткып, бу јылда бала табар баштапкы турага 70 јыл болгон, је ол эмдиге јакшы айалгада деген. Ол врачтардыҥ ассоциациязына Туулу Алтайдыҥ тӱӱкизине ајарузы ла јакшынак баштаҥкайы учун быйан айткан.

Ачылтада республикан перинатальный тӧс јердиҥ баш врачы Павел Решетов, Горно-Алтайсктыҥ администрациязыныҥ јааныныҥ ордынчызы Станислав Тюхтенев, РСФСР-дыҥ нерелӱ врачы, су-кадыкты корыырыныҥ ветераны Людмила Донских, РФ-тыҥ нерелӱ врачы Татьяна Антонова, акушер службаныҥ ветераны Галина Тельгерова сӧс айткандар. Учында эземниҥ доскозына чечектер салылган.

1927 јылда, Томсктогы университеттиҥ медицина факультедин божоткон кийнинде, Ойротияга врач акушер-гинеколог П. П. Иванова келген. Ол 20-чи јылдардыҥ учында Оҥдой аймактыҥ Кулады јуртында Ойротияда бала табар баштапкы ла тураны ачкан. Соҥында ол Ойрот-Турада гинекологияныҥ бӧлӱгин башкарган, облэмчиликтиҥ баш врачы, оноҥ Горно-Алтайскта бала табар тураныҥ заведующийи болгон. Оноҥ бери ӧйдӧ ол Горно-Алтайскта медучилищени 20 јылдаҥ ажыра башкарган. П. П. Иванова — РСФСР-дыҥ нерелӱ врачы, Иштиҥ Кызыл Маанызы ла «Знак Почета» ордендердиҥ кавалери.

Бала табар озогы турада онойдо ок П. А. Тарасова иштеген. Ол 1934 јылда Томсктогы университеттиҥ медицина факультедин божоткон. Бастыра јӱрӱмин Туулу Алтайда бала табар службага учурлаган. Jууныҥ ӧйинде Ойрот-Тураныҥ су-кадыкты корыыр, областьтыҥ су-кадыкты корыыр бӧлӱктериниҥ заведующийи болгон. 1946-1948 јылдарда калада ӱй улустыҥ консультациязын башкарган. 1948-1950 јылдарда Горно-Алтайсктагы бала табар тураныҥ баш врачы, соҥында облэмчиликтиҥ гинекология бӧлӱгиниҥ заведующийи болгон. Ол РСФСР-дыҥ нерелӱ врачы, «Знак Почета» орденниҥ кавалери.

1957-1975 јылдарда Горно-Алтайсктыҥ бала табар туразын Н. М. Дейникина башкарган. Ол РСФСР-дыҥ нерелӱ врачы, Туулу Алтайдыҥ акушер ижин јарандырарына јаан јӧмӧлтӧзин јетирген јакшы кижи ле врач.
1948 јылда, 70 јыл кайра, Горно-Алтайскта бала табар тура тудулган, ондо јаҥыс эмес ӱйе балдар чыккан. Бӱгӱн мында РФ-тыҥ нерелӱ врачы Татьяна Марковна Антонова, медицина билимдердиҥ кандидады Анна Александровна Лемешко, АР-дыҥ баш врач акушер-гинекологы Нина Ивановна Завражнева, АР-дыҥ нерелӱ врачы Валентина Николаевна Лаптева ла кӧп ӧскӧлӧри де иштейт.

АР-дыҥ су-кадыкты корыыры аайынча министерствозыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина