Jӱрӱмниҥ баштапкы јаан ажузына чыккан

26.06.2018

Госэкзамендер табыштырар изӱ ӧй ӧткӧн. Школды божоткондордыҥ калганчы балы база айас, изӱ кӱнге келишти. Калабыстыҥ тӧс тепсеҥи јаркынду, јараш кийинген балдарла, ада-энелерле, ӱредӱчилерле, нӧкӧрлӧрлӧ 17 саат киреде толо берди.

Школды божоткондорды уткыырга, сценага каланыҥ ла республиканыҥ окылу јаҥдарыныҥ чыгартулу улузы кычырылды. Баштапкы уткуулду сӧс республиканыҥ ӱредӱ ле билим аайынча министри А. Бондаренкого берилди. Ол балдарга ачык јолдор, ару теҥери ле ончо јакшыны кӱӱнзеп, мынайда айтты: «Школды божотконыгар — јӱрӱмигердиҥ јаан ажузы. Слер эмди бойыгардыҥ алдарда јаан кижиниҥ јаҥы јӱрӱмин баштап јадыгар. Сананган санаа-амадуларар бӱдӱп, талдап алган јолор слерге јилбилӱ болзын. Будактар учурабазын, је болзо до, ончозын јалтанбай, турумкай ӧдӱгер! Тӧрӧл калагарды ундыбагар, ӱредӱгерди божодып, јиит специалисттер болуп јанып келзеер, бис слерди калабыстыҥ ла тергеебистиҥ тӧзӧлмӧлӧринде сакыырыс. Jаан јӱрӱмге ууламјылаган ӱредӱчилереерге быйанду јӱригер. Ада-энелереер јаантайын слерге куйак болор, олорды тооп, оморкодып јӱригер. Кандый да јол талдап алзагар, амадуга једерге кӧп иштенер керек. Jолыгар ырысту болзын!».

Быјыл калабыстыҥ 14 орто ӱредӱлӱ школдорын 590 бала божотты. Олордыҥ 45-и ӱредӱни бийик једимдӱ божодып, медальдарла кайралдатты. Ончо ӱренчиктер орус тилле ченелте-экзаменниҥ турулталарыла јарадылган эҥ јабыс кемин ӧдӧ берген. 59 ӱренчик 80-неҥ ажыра балл алган. Математикала, географияла, химияла орто баллдыҥ кеми, алдындагызына кӧрӧ, иле кӧдӱрилип калган. Онойдо ок школдыҥ, каланыҥ јондык ла спорт јӱрӱминде эрчимдӱ турушкандар кайралдатты.

Э. КУДАЧИНА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина