«Ткацкийге» учурлалган јуун

26.06.2018

Алтай Республиканыҥ башчызы Александр Бердников Горно-Алтайсктагы садуныҥ «Ткацкий» ле «Ткацкий-2» деген јаан тӧс јерлериниҥ јанында јерлерди јарандырарына учурлалган выездной јуун ӧткӱрген.

Башчы ол јерлерди шиҥдеп кӧрӱп, «Ткацкийдиҥ» тышкартында рыногыныҥ айалгаларыла танышкан, мында иштеп турган улусла куучындашкан.

«Бис мындагы јер ару болзын, мында иштеп тургандарга ла не-немелер садып аларга келип турган улуска јарамыкту айалгалар тӧзӧлзин деп кӱӱнзейдис. Садуныҥ бу тӧс јерлери туку качаннаҥ бери иштеп јат, је ол ок ӧйдӧ олордыҥ ээлери бу јылдардыҥ туркунына олорды јарандырарына бир де салковой акча чыгарбагандар. Онызы чек јастыра неме» — деп, башчы темдектеген.

Александр Бердниковтыҥ эзеткениле, тургуза ӧйдӧ јаргыда прокуратура берген ӱч иск кӧрӱлип јат. Прокуратура садуныҥ тӧс јерлериниҥ бирӱзиниҥ ижин ол ӧрт-технический јеткер болдыртпазыныҥ ээжилерин бастыра јоголтпогончо јетире токтодорын некейт.

Садуныҥ «Ткацкий-2» деген тӧс јериниҥ ээлериниҥ чыгартулу кижизи Елена Некрасова бу јуунда туружып, каруул-ӧрт сигнализацияныҥ материалдары удабас ла једип келер, специалисттер олорды тургузып баштаар деп айткан. Тӧс јердиҥ ээлери мынаҥ озо болгон шиҥжӱ иштер илезине чыгарган тутак-једикпестерди куран айдыҥ 15-чи кӱни кирезинде јоголтып саларын темдектеп алган.

Анайда ок тӧс јердиҥ ээлери «Ткацкийге» кирериниҥ јанында јерлерди јарандырарын кичӱ изӱ айдыҥ учы кирезинде тӱгезип саларыс дежет. Садуныҥ объеги ле поликлиника ортодо јерде оролорды кӧмӧр, асфальт салар иштер ӧдӧр.
Республиканыҥ башкараачызыныҥ темдектегениле, илезине чыгарылган тутак-једикпестерди јоголторы, улусла — садуныҥ тӧс јериниҥ ле тышкартындагы рыноктыҥ ишчилериле, не-неме садып аларга келгендерле јеткер болбозын јеткилдеери тӧс иш-амаду болуп јат.

Мынаҥ озо јарлалганыла, качан јаргы садуныҥ тӧс јериниҥ ижин токтодоры керегинде јӧп чыгарза, аргачыларга альтернативный площадкалар берилер.

Jуун ӧйинде јаан эрмек-куучын садуныҥ тӧс јерлери айландыра јерлерди јарандырары јанынаҥ ӧткӧн. «Мындагы айалганыҥ аайы-бажына чыгар керек, аайлаштыру иштер аҥылу план аайынча ӧдӧр учурлу. Иштер јуук ӧйдӧ башталар» — деп, Александр Бердников айткан.

Jартап айтса, тӧс јерлерди айландыра јерлер јарандырылар, бери келген улус амыраар јерлер тӧзӧлӧр, јуугында јерлерге асфальт салылар. Jеткер болбозын ла тӱрген болуш јетирер службалардыҥ транспорты ӧдӧрин јеткилдеерге, садуныҥ тӧс јерлериниҥ ичјанындагы јерлериле автомобильдер јӱрери кирелендирилер. «Мында улай ла автомобильдер чогулыжып калат, керек тушта ӧрт ӧчӱрер службаныҥ кӧлӱги де ӧдӱп болбос» — деп, башчы јартаган.

«Бистиҥ јерде јадып турган улус, ол тоодо рынокто иштеп јӱрген јаан јаштулар мында бойыныҥ огородында ӧскӱрип алган продукциязын садат. Олор садыжып турган јерлер јарамыкту ла јеткер јок айалгаларда болор учурлу» — деп, республиканыҥ башкараачызы темдектеген.

Jуунныҥ учында Александр Бердниковтыҥ аҥылаганыла, «Ткацкий» деген рыноктыҥ јеринде иштер тӱгензе, ол јер эмдиги ӧйдиҥ некелтелерине келижип турар, јараш, јеткер-неме болбос јанынаҥ јеткилделген јер болуп калар.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина