Гран-кыйуныҥ сурактары кӧрӱлген

03.07.2018

Гран-кыйуныҥ сурактары аайынча комиссияныҥ јууны Кӧксуу-Оозы јуртта комиссияныҥ председатели, тергеениҥ баштапкы вице-премьери Роберт Пальталлердиҥ башкартузыла ӧтти.

Jуунда докладтарды Россияныҥ ФСБ-зыныҥ Алтай Республика аайынча башкартузыныҥ јааны Александр Веселов, тергеениҥ ичбойындагы керектер аайынча министри Павел Гаврилин эткен. Анайда ок јуунныҥ ижинде национальный гвардияныҥ черӱлериниҥ федерал службазыныҥ, Роспотребшиҥжӱниҥ тергеелик башкартузыныҥ, Россияныҥ МЧС-ныҥ Алтай Республика аайынча тӧс башкартузыныҥ чыгартулу улузы турушкан деп, тергеениҥ Погранбашкартузыныҥ пресс-службазы јетирет.

Jуунныҥ туружаачылары гран-кыйуга јакалай муниципал тӧзӧлмӧлӧрдиҥ јербойында бойы башкарынары аайынча органдарыныҥ госграницада ла ого јакалай јерлерде тургузылган административно-правовой режимди буспазын озолондыра јеткилдеери јанынаҥ ижин шӱӱжип кӧргӧн. Jуунныҥ уч-турулталарыла погранзонаныҥ јеринде ӧткӱрилип турган башка-башка бӱдӱм иштерди муниципал тӧзӧлмӧлӧрдиҥ администрациялары тӧзӧӧри ле шиҥжӱде тудары аайынча иш-амадулар чокымдалган.

Анайда ок јуунда государственный гран-кыйуныҥ Алтай Республиканыҥ јеринде российско-казахстан бӧлӱгин албатылар ортодо тап-эриктик кеминде јазаары јанынаҥ иштер ӧткӱрери шӱӱжилген. Jаан изӱ айда Россияныҥ ла Казахстанныҥ гран-кыйуга јуук јерлеринде демаркационный карталар тургузары аайынча топогеодезический иштер ӧткӱрери башталар. Алтай Республиканыҥ јеринде госграницаныҥ демаркациязы аайынча иштерди (гран-кыйу јербойында канайда ӧткӧнин пограничный темдектерле темдектеери) тӧзӧӧрин 2019 јылда ӧткӱрери темдектелет.
Ӧткӱрилип турган бу иштерле колбой, гран-кыйуга јакалай муниципал тӧзӧлмӧлӧргӧ физический ле юридический лицолорго госграницаны јакалай 5 километр зонадаҥ јерди ээленерине ле удурумга тузаланарына берерин токтотсын деп шӱӱлте эдилген.

Анайда ок чума оору болдыртпазына ууландырылган противоэпидемический иштер ӧткӱрери керегинде куучын јуунда база ӧткӧн. Госграницаны јакалай карантинный полоса јӧптӧлзӧ, андый полоса керегинде јакаан Россия Федерацияныҥ јурт ээлем аайынча министерствозынаҥ керде-марда болзо, кандый иштер ӧткӱрилери база шӱӱжилип кӧрӱлген.
Jуун ӧйинде погранзонаныҥ јеринде јолдорды јакалай сервистиҥ объекттериле колбулу сурак база кӧрӱлген. Алтай Республиканыҥ гран-кыйуга јакалай јерлеринде государственный јаҥныҥ органдарына, аймактардыҥ јаандарына конычылыктарда ла ӧскӧ дӧ объекттерде антитеррористический корулаш ууламјылу иштердиҥ некелтелерин бӱдӱрери јанынаҥ јакылталар берилген.

АР-дыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым