Чуйдыҥ јолы јаранат

17.07.2018

Бистиҥ тергеениҥ тӧс јолы болуп турган Чуйдыҥ јолын јарандырар элбек кемдӱ иштер јылдыҥ ла ӧдӧт. Быјыл Р-256 таҥмалу «Чуйдыҥ јолы» деген федерал учурлу автојолдыҥ Майма ла Оҥдой аймактардыҥ јерлериндеги бӧлӱктеринде јазаш-тудум иштер ӧдӱп туру. Бу јолдыҥ Майма аймакта Карлушка јуртка одоштой бӧлӱгинде ӧдӱп турган кеми јаан иштердиҥ баштапкы уч-турулталары кижиниҥ кӧстӧрин сӱӱндирет. Мындый бӱдӱм-схемалу јол бистиҥ тергееде база кайда да јок.

Чуйдыҥ јолыныҥ Оҥдой аймакта 684-чи километринеҥ ала 698-чи километрине јетире бӧлӱгинде, Кӱр-Кечӱнеҥ ала Кичӱ-Jаламанга јетире ӱзӱкте, иш јеҥил эмес айалгада ӧдӧт. Jол ӧткӧн јер кумак-сайлу болгоны ӱзеери иштер ӧткӱрерин некеген. Мындагы чичке јол элбедилген, эмди јолго асфальт салар иштер ӧдӧр. «Упрдор «Алтай» компанияныҥ јетирӱзиле, јербойындагы тудум иштер озолондыра тургузылган график аайынча ӧдӧт, иштер ӧйинде ле толо кеминде бӱдер.

Быјыл Чуйдыҥ јолыныҥ 72 километр ӱзӱгин јарандырар иштер ӧткӱрери темдектелген, ол тоодо 17 километр јерде кеми јаан јазашту иштер ӧдӧр. Анайда ок Туралу ла Айкулак суулар кечире эки кӱр јазалар, 14 јуртта јолды јакалай электројарыткыштар тургузылар учурлу.

Jолды јазаар иштерде эмдиги ӧйдиҥ эп-аргалары ла материалдары элбеде тузаланылат деп, ӧрӧ адалган компания јетирет. Темдектезе, јолдыҥ ӱстине битумоминеральный чейинти урулат, онызы јолдыҥ ӱсти јут-јулакай ӧйинде тайкак болбозын јеткилдеер. Jолды јазап турган јерлерде ары-бери јӱрген кӧлӱктердиҥ јӱрӱжинде тутак болбозын јеткилдеерине база ајару эдилет.

А. КӦБӦКОВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина