Газла јеткилдеш: тудум иштер улалганча

17.07.2018

Калганчы он јылдыҥ туркунына, Горно-Алтайск калада газификация башталганынаҥ ала, 1500-теҥ кӧп туралар газораспределительный сетьтерге колболгон.

Калада 9 микрорайондо газла јеткилдеш аайынча иштер ӧткӱрилген, ол тоодо автовокзалга одоштой Туу-Кайаны эдектей оромдордогы туралар. Анайда ок газла «Больничный городок», Jеҥӱниҥ паркы деген микрорайондордогы оромдор, каланыҥ кӱнбадыш јаны — Строительный, Трактовый, Промышленный, Заводской, Высокогорный оромдор јеткилделген. Бу ок тооломдо — Заимка, Партизандардыҥ кобызы, алдында ӧйлӧрдӧ автодром болгон јердеги Бочкаревка деген микрорайон.

Горно-Алтайсктыҥ тура-коммунальный ла јол ээлем аайынча башкартузыныҥ јетирӱлериле, 2017 јылда газтыҥ тебӱзи јабыс сетьтерин газораспределительный сетьтердеҥ јердиҥ участокторыныҥ гран-кыйуларына (чедендерге) јетире ӧткӱрер иштер ӱч микрорайондо ӧткӱрилген болгон. Озо ло баштап, 31-чи таҥмалу микрорайон — «Поселоктыҥ» јери Долгихтиҥ ле Алагызовтыҥ ады-јолдорыла адалган оромдорло кожо. Анда 100 подводка ӧткӱрилген. Экинчизи — «Питомник», 38-чи таҥмалу микрорайон. Анда ӧткӱрилген подводкалардыҥ тоозы 111. 28-чи таҥмалу микрорайондо, алдындагы керосиновый заправканыҥ ла эски музейдиҥ јанында јерлерде 125 тураныҥ јерлериниҥ гран-кыйуларына јетире сетьтер ӧткӱрген.

Горно-Алтайсктыҥ администрациязыныҥ пресс-службазыныҥ јетирӱзиле, 31-чи таҥмалу микрорайон аайынча эрчимдӱ иштер быјыл оноҥ ары улалганча. Анда ӱч пусковой комплекстер тӧзӧлгӧн, олордыҥ бирӱзи 2016 јылда, экинчизи 2017 јылдыҥ учында тузаланарына табыштырылган болгон. 2017 јылда ӧткӱрилген 50 подводкалу ла 2018 јылда ӧткӱрилген 192 подводкалу ӱчинчи комплексти табыштырары јанынаҥ иштер ӧдӱп јаткан јылдыҥ тӧртинчи кварталында учына јетирилер ле комплекс тузаланарына табыштырылар.

«Газпром» ПАО-ныҥ акча-манадыныҥ чодыла 32-чи таҥмалу микрорайондо, Афганецтердиҥ ле Байат микрорайондордо газтыҥ јабыс тебӱлӱ сетьтерин ӧткӱрери јанынаҥ иштер башталып калган. 30-чы микрорайондо — Кучыйактыҥ оромында ла оныҥ эки јанында оромдордо ло переулоктордо иштер ӧткӱрерге, подрядный организацияны чокымдаары јанынаҥ иш ӧдӧт. 24-чи таҥмалу микрорайондо — алдындагы гардино-тюлевый фабриканыҥ јанында оромдордо ло 42-чи таҥмалу микрорайонныҥ оромдорында (Гончарный, Жуковтыҥ ла о. ӧ.) база тудум иштер ӧткӱрери темдектелип калган.

Тӧс иштер, 2017 јылда ла чылап, 28-чи, 31-чи ле 38-чи микрорайондор аайынча ӧдӧр. Олордо 943 подводка тургузылган, 490 подводка ӧткӱрилген, 327 турага газ јеттирилген. Республиканыҥ молјузы аайынча болзо, тураларды газка колбоорго, газты база 622 турага јетирер керек. Текшилей алза, 2019-2020 јылдарда «чаҥкыр одыруны» каланыҥ эл-јоныныҥ бир муҥ кире туралары алар учурлу.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина