ГТО: алтын темдекке табыштырган

17.07.2018

ГТО-ныҥ текшироссиялык физкультурно-спортивный комплексиниҥ алтын темдегиниҥ нормативтерин быјыл 194 кижи бӱдӱрген деп, физический культура ла спорт аайынча республикан комитет јетирет.

Ченелтени ӧдӧринде республиканыҥ бастыра муниципал тӧзӧлмӧлӧриниҥ школдорын ӱренип божоткон 818 ӱренчик турушкан. Эл-јон ортодо тестированиени кичӱ изӱ айда тӧзӧӧр лӧ ӧткӱрер тушта ГТО-ныҥ нормативтериле колбулу ченелтелерди 21 кижи каладагы «Спартак» стадиондо једимдӱ ӧткӧн болгон. Выездной тестирование ӧткӱрилерде, Шабалин аймакта 14 кижинеҥ 2 кижи ГТО-ныҥ алтын темдегиниҥ нормативтерин бӱдӱрген.

ГТО-ныҥ текшироссиялык физкультурно-спортивный комплексиниҥ Алтай Республиканыҥ ӱредӱлик организацияларыныҥ ӱренеечилери ортодо јайгы фестивалинде тергеениҥ сегис муниципалитеди турушкан. Ченелтелердиҥ уч-турулталары мындый болгон:

1-кы јерде — Чамал аймак;
2-чи јерде — Горно-Алтайск;
3-чи јерде — Кӧксуу-Оозы аймак.

Таҥынаҥ јеҥӱчилдер ле призерлор болгон:
III ступень: 11-12 јаштулар (кыстар):
1. Елизавета Архипова (Горно-Алтайск);
2. Мария Иванютенко (Чамал аймак);
3. Виктория Сивкова (Кӧксуу-Оозы аймак).

III ступень: 11-12 јаштулар (уулдар):
1. Никита Таловский (Чой аймак);
2. Данил Кудрявцев (Горно-Алтайск);
3. Эрчим Адобалов (Кан-Оозы аймак).

IV ступень: 13-15 (кыстар):
1. Варвара Диянкова (Турачак аймак);
2. Кристина Лесных (Горно-Алтайск);
3. Наталья Клепикова (Кӧксуу-Оозы аймак).

IV ступень: 13-15 (уулдар):
1. Максим Золотухин (Чамал аймак);
2. Санат Согодин (Кан-Оозы аймак);
3. Михаил Головко (Кӧксуу-Оозы аймак).

Jайгы фестивальдыҥ уч-турулталары аайынча тергеениҥ јуунты командазы тӧзӧлгӧн, ол финал бӧлӱкте туружар. Jуунты команданыҥ турчыларыныҥ тоозында Мария Иванютенко, Виктория Сивкова, Данил Кудрявцев, Эрчим Адобасов, Варвара Диянкова, Кристина Лесных, Санат Согодин, Михаил Головко.

Jаан керек-јарактар ӧдӧр тушта (темдектезе, Jашӧскӱримниҥ кӱни, Эл Ойын ла о. ӧ.) кӱӱнзеген кажы ла кижи бойыныҥ талдаганы аайынча бир эмезе бир канча спорт ченелтелерди ӧдӧргӧ, бойыныҥ аргаларын ченеп кӧрӧр аргалу. Специалисттердиҥ темдектегениле, ченелтелер ӧдӧр тушта кӱӱнзеген улус ГТО-ныҥ ээжи-нормативтери јанынаҥ јартамалдар алар аргалу. ГТО-ныҥ «Бойыҥды ченеп кӧр!» деген презентационный площадкаларында ченелтелерди 482 кижи ӧткӧн.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина