Jӧптӧштиреечи јаргычыныҥ јаргы участогы ачылган

17.07.2018

Алтай Республиканыҥ башчызы Александр Бердников Чамал аймактыҥ јӧптӧштиреечи (мировой) јаргычызыныҥ јаргы участогыныҥ кӧдӱриҥилӱ ачылтазында турушкан.

Тергеениҥ башкараачызыныҥ темдектегениле, бӱгӱн албаты-јонныҥ јонјӱрӱмдик бӧлӱкте јадын-јӱрӱминиҥ чыҥдыйын јарандырары јанынаҥ кӧп иштер эдилет: јаҥы школдор, эмчиликтер, ФАП-тар, балдардыҥ садтары тудулат, республиканыҥ тӧс калазында бастыра статусный объекттер бар, јаҥныҥ федерал органдарыныҥ туралары тудулып јат. «Алтай Республика — президенттиҥ јӧптӧштиреечи јаргы системаны тӧзӧӧри аайынча тургускан јакылталарын бӱдӱрери јанынаҥ јакшы кӧргӱзӱлериле аҥыланып турган субъекттердиҥ бирӱзи болуп јат. Jаргычы јарамыкту айалгада иштеер учурлу, оныҥ бӱдӱрип турган ижи јурт јердиҥ албаты-јоныныҥ јилбӱлериле колбулу. Чокымдап айтса, јӧптӧштиреечи јаргычы олордыҥ јӱрӱмдик сурак-керектерин кӧрӱп јат» — деп, башчы Александр Бердников темдектеген.

Субъекттиҥ башкараачызыныҥ аҥылаганыла, бюджетле колбулу суракта уур-кӱчтер бар да болзо, мындый јаргы участоктор Шабалинде, Кан-Оозында, Чойдо ло Маймада ачылган. «Олорго ӧгӧӧндӧриле ачындырткан эпшилер барат, ол участоктордо билелердиҥ улузыныҥ ла иштеп турган ээлемдик субъекттердиҥ ар-јӧӧжӧлик сурактар јанынаҥ блааш-тартыштары аайлаштыра кӧрӱлет. Бу јаргыныҥ албатыга эҥ јуук бӧлӱги болот, ол јогынаҥ кезик сурактарды аайлаштырар арга јок» — деп, субъекттиҥ башкараачызы айткан.

Алтай Республиканыҥ башчызыныҥ Быйанду самаразы подрядчик, «Прогресс» компанияныҥ генеральный директоры Сергей Бурляковко ло јӧптӧштиреечи јаргычылардыҥ ижин јеткилдеечи тӧс јердиҥ программисти Александр Кудачинге кӧдӱриҥилӱ айалгада табыштырылган.

Алтай Республиканыҥ Ӱстиги јаргызыныҥ јааны Марина Алексинаныҥ айтканыла, кажы ла гражданинде оныҥ керегин јӧптӧштиреечи јаргычы кӧрӧри јанынаҥ тап-эрик бар. «Jӧптӧштиреечи јаргы — эл-јон кандый да тутак-буудак јогынаҥ баштанар бӧлӱк. Ол слердиҥ, Чамал аймактыҥ эл-јоныныҥ, јилбӱлерине келиштирте иштеер. Эмди јаргыла колбулу бастыра сурактар бу турада кӧрӱлер. Бу јаргыныҥ чыгарган јӧбиле кем де јӧп эмес болзо, ол кижиниҥ угузу бичиги аайынча керек Чамал аймактыҥ јаргызында кӧрӱлер. Слер эмди бу суракла Горно-Алтайск јаар барбазыгар.

Албаты-јонго јарамыкту мындый айалга бӱдӱреечи ле јасакчы јаҥдардыҥ ӧмӧ-јӧмӧ ижиниҥ, Алтай Республиканыҥ башчызыныҥ јӧмӧлтӧзиниҥ шылтузында тӧзӧлгӧн. Нениҥ учун дезе јӧптӧштиреечи юстицияныҥ материально-технический айалгазыла колбулу сурак тергеелик бюджетке молјолгон» — деп, ол айтты.

Кӧдӱриҥиниҥ туружаачыларын Алтай Республиканыҥ јаргычыларыныҥ совединиҥ адынаҥ Наталья Сумачакова уткып, јаргыныҥ ижи јарамыкту турулталарлу болоры јаргыныҥ участогыныҥ материально-технический јеткилдежиниҥ чыҥдыйынаҥ база камаанду болот деп айткан. Ол анайда ок улус јаргыныҥ участогына келип, јасакка тӧзӧлгӧлӧнгӧн јӧптӧр алып, блааш-тартышту сурактарыныҥ аайына аайлу-башту чыксын, бой-бойын оҥдожып јӱрзин деген кӱӱнземелин айтты.

Тергеениҥ јӧптӧштиреечи юстициязыныҥ ӧзӱмине камаанын јетиргени учун Алтай Республиканыҥ башчызы Александр Бердниковко Алтай Республиканыҥ јаргычыларыныҥ совединиҥ Кӱндӱлӱ грамотазы табыштырылды.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина