Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ӱлекер элбек јол алынган

17.07.2018

Республиканыҥ тӧс калазы Горно-Алтайскта туралардыҥ јанын јарандырары аайынча иштер «Городская среда» деген ӱлекер аайынча ӧдӱп јат.

Калада албаты-јон јадарына јарамыкту айалгалар тӧзӧӧри аайынча федерал программаны бӱдӱреринде 2018 јылда Горно-Алтайсктыҥ кӧп каттарлу 12 туразы туружат. Бу туралар конкурстыҥ талдаштарын ӧткӧн туралар болуп јат. Ӱлекерди бӱдӱрери јанынаҥ баштапкы иштер Алтайский оромдогы сегис тураныҥ, Коммунистический проспекттеги 8-чи таҥмалу тураныҥ ла Поселковый оромдогы 10-чы таҥмалу тураныҥ јанында јерлерде ӧткӧн.

Горно-Алтайсктыҥ администрациязыныҥ јааны Ольга Сафронова, «Единая Россия» партияныҥ бу ӱлекери аайынча координаторы, АР-дыҥ депутады Герман Чепкин, каланыҥ администрациязыныҥ ла тудум иштер ӧткӱрип турган подрядный организациялардыҥ чыгартулу улузы выездной јуун ӧткӱрип, тудум иштер канай ӧдӱп турганын шиҥдеп кӧргӧн. Туштажуларда тураларда јадып турган улус, домкомдор, оромдордыҥ комитеттериниҥ ле јондыктыҥ чыгартулу улузы турушкан.

Туралардыҥ јанында эскирген јазалдар солылган, туралардыҥ јаны јарандырылат ла элбедилет, асфальт ла тротуарлар салылган, бордюрлар тургузылган. Бастыра иштер эл-јонло јӧптӧшкӧни аайынча ӧткӱрилген. Иштиҥ чыҥдыйын ла иштерди ӧйинде бӱдӱрерин каланыҥ администрациязыныҥ башкартузы, техшиҥжӱниҥ службазыныҥ специалисттери, депутаттар ла эл-јон бойы шиҥжӱде туткан.

Мэрияныҥ јетирӱлериле, былтыр кӧп каттарлу туралардыҥ улузынаҥ бу ӱлекер аайынча 27 угузу бичик келген, кӧп кат квартираларлу јети тураныҥ јанында беш јер јазалган. 2018 јылда келген угузу бичиктердиҥ тоозы 70-неҥ ашкан. Горно-Алтайскта Алтайский оромдогы сегис тураныҥ, Коммунистический проспекттеги 8-чи, 74-чи ле 158-чи таҥмаларлу туралардыҥ, Поселковый оромдогы 10-чы таҥмалу тураныҥ јанында јерлер јарандырылар.

Анайда ок каланыҥ ӱч микрорайонында тренажерлорлу спортплощадкалар тургузылган. Быјыл Коммунистический проспекттеги «Ленинниҥ тепсеҥи» ле «Ткацкий» деген токтодулардыҥ ортозында тротуарлар, Алтайский оромныҥ јанында Майма сууны јараттай јерлер јарандырылар.

Ӧрӧ адалган ӱлекерле колбулу иштер јанынаҥ шӱӱжӱде каланыҥ албаты-јоны эрчимдӱ туружат. Ӱлекер јанынаҥ шӱӱжӱлер кайда ла качан ӧдӧри албаты-јонго элбек јетирӱлер эдер эп-аргалар ажыра озолондыра эдилген ле эдилет. Тураларда јаткан улустыҥ, домкомдордыҥ ла оромдордыҥ комитеттериниҥ чыгартулу улузыныҥ шӱӱлтелери ајаруга алылып, оноҥ талдашту иш ӧдӧт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина