Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Полицияныҥ бӧлӱгиниҥ јаҥы туразы

27.07.2018

Бу неделениҥ башталганында Россияныҥ МВД-зыныҥ Улаган аймак аайынча бӧлӱгиниҥ јаҥы административный туразыныҥ ачылтазына учурлалган кӧдӱриҥи ӧтти.

Бӧлӱктиҥ туразы ла изолятор Госкорулашјакылта аайынча тудулган. Кӧдӱриҥилӱ ачылтада Россияныҥ МВД-зыныҥ баш инспекторы Игорь Романовский, Алтай Республиканыҥ ичбойындагы керектер аайынча министри Павел Гаврилин, государственный ла бӱдӱреечи јаҥныҥ органдарыныҥ, јондыктыҥ чыгартулу улузы, ичбойындагы керектер аайынча органдардыҥ ишчилери ле ветерандары турушкан.

Эмдиги ӧйдиҥ некелтелерине келиштирте јеткилделген јаҥы турада полицияныҥ ишчилерине иштеерине, амыраарына јарамыкту айалгалар тӧзӧлгӧн. Ӱч кат тураныҥ ич кеми 4300 квадратный метр. Мында спортзал, тир, јылыдылып турар автотурлу, улусты удурумга тудар изолятор, јажы эр кемине јетпеген балдар ойноор кып бар деп, Алтай Республиканыҥ МВД-зыныҥ пресс-службазы јетирет.

Кӧдӱриҥилӱ керек-јаракты ачып тура, Игорь Романовский бу керек бӱткӱл аймакка јаан учурлузын темдектеген.
«Ичбойындагы керектер аайынча органдар байлык тӱӱкилӱ, јакшынак јаҥжыгуларлу. Мындый јакшы турада иштеп турган улус јаҥыс ла ол јаҥжыгуларла башкарынар эмес, је анайда ок олорды кӧптӧдип, оноҥ ары улалтып, иштеер учурлузы јарт. Полицияныҥ бӧлӱгиниҥ ишчилери бойыныҥ профессионал билгирлерин ле узын бийиктедерине керектӱ бастыра не-немелер бар» — деп, ол темдектеген.

Бӧлӱктиҥ јаҥы туразыныҥ административный комплексине котельный, дизельный электростанция, јылыдылып турар автотурлу, ӧскӧ дӧ технический јазалдар кирет. Тура эмдиги ӧйдиҥ технологияларыла, кӧрӱширтештиҥ системазыла јепселген. Котельныйдыҥ котелдоры эмдиги ӧйдиҥ ээжи-некелтелерине келижет, олор автоматизированный.

Павел Гаврилин полицияныҥ бӧлӱгиниҥ ӧмӧлигиниҥ ижине, болуш сурап, полицияга баштанган улуска керектӱ бастыра айалгалар тӧзӧлгӧнин темдектеген. Оныҥ айтканыла, јаҥы тура полицияныҥ ишчилериниҥ ижиниҥ уч-турулталарын јарандырарына јарамыкту айалга тӧзӧйт.

Улаган аймактыҥ јааны Никита Санин јаҥныҥ федерал ла тергеелик органдарыныҥ јанынаҥ муниципалитетке јаан ајару эдилип турганын аҥылап темдектеген. Ыраакта турган аймакка бастырајандай јӧмӧлтӧ эдип, объектти тударына болушканы учун Алтай Республиканыҥ башчызы Александр Бердниковко быйанын айткан.

Jаҥы, телкем, бастыра јанынаҥ јепселген турада иштеер полицейскийлер јакшы кӧргӱзӱлерге једерине иженип турганын ол угускан. «Полицияныҥ бӧлӱгиниҥ ишчилери једимдӱ иштеп, муниципал тӧзӧлмӧниҥ јондык-культурный јӱрӱминде туружат. Jасактардыҥ ээжи-некелтелерин бӱдӱрери Улаган аймакта јеткилделер» — деп, ол айтты.
Оноҥ айылчылар полицияныҥ ишчилери иштейтен кыптарды, спортзалды, тирди, гаражты, государственный јеткилдештер ӧткӱретен кыпты кӧргӧндӧр.

Бу объекттиҥ тудум иштери башталар алдында, 2014 јылдыҥ кочкор айында, тураныҥ тӧзӧлгӧзиниҥ баштапкы кирпичтерин Алтай Республиканыҥ башчызы Александр Бердников, АР-дыҥ ичбойындагы керектер аайынча министри болгон Александр Удовенко ло Улаган аймактыҥ јааны Никита Санин салган болгон.

Былтыр ӱлӱрген айда бу объектти тудуп турган «Горно-Строй» ООО-ныҥ генеральный директоры Валерий Вавилкин мынайда айткан эди: «Тӧс иштер учына једип барааткан, мебельдиҥ коплектовказы, системаларды белетеери ле тургузары аайынча пусконаладочный иштер ӧдӧт. Объект тургуза ӧйдиҥ некелтелерине келижип турган јазалдарла јепселер, ол тоодо кӧрӱширтӱниҥ, ӧрт ӧчӱрериниҥ јаҥы системаларыла. Тура тузаланарына темдектелген ӧйдӧ табыштырылар». Строительдер айткан сӧзине турганын объекттиҥ ачылтазыла колбулу кӧдӱриҥи керелейт.

Бу јаҥы тура полицияныҥ јербойындагы бӧлӱктериниҥ бу јуукта тудулган ла тузаланарына табыштырылган јаҥы тураларыныҥ тоозына кирди. Мындый ок типовый тура Кош-Агаш аймакта эки јыл кайра иштеп баштаган. Текши алза, андый туралар калганчы јылдарда Кан-Оозы, Чамал аймактарда база тудулган болгон. Тергеениҥ башкартузыныҥ угусканыла, полицияныҥ бӧлӱктериниҥ ижине јарамыкту айалгалар тӧзӧӧрине ајару эдери мынаҥ да ары улалар. Албаты-јонныҥ тыш-амыры озо ло баштап полицияныҥ ижинеҥ чике камаанду болот. Jербойындагы бӧлӱктердиҥ ишчилери, участковый уполномоченныйлар албаты-јонло јуук колбуда иштейт.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина