Ийинде СЭС болор

31.07.2018

Маймада кӱнниҥ чогынаҥ иштеер станцияныҥ (СЭС) ӱчинчи бӧлӱгин ле Оҥдой аймакта Ийин јуртта ийде-кӱчиниҥ кеми 10 МВт СЭС-ти тудар иштер кӧндӱгип калган.

Ӱлекердиҥ инвесторы болуп турган «Хевел» компанияныҥ јетирӱзиле, тудум иштер јанынаҥ јӧп-јарадулар алылып, строительдердиҥ ижиниҥ баштапкы бӧлӱги башталып калган. Ийинде болотон СЭС керегинде айтса, ол Оҥдой аймакта экинчи андый станция болор.

Маймада ла Ийинде болотон СЭС-терди тудар иштерди 2019 јылдыҥ баштапкы кварталында учына јеттиргизип салары темдектелип калган, јаҥы тудулган станциялар сетьти электроэнергияла јеткилдеери 2019 јылдыҥ кандык айында башталар.

Бистиҥ республикада СЭС-тердиҥ тоозы јылдаҥ јылга кӧптӧйт. Тургуза ӧйдӧ Кош-Агашта текши ийде-кӱчиниҥ кеми 10 МВ эки андый станция, Кан-Оозында (5 МВт), Маймада (20 МВт), Оҥдойдо (5 МВт)— 1 станциядаҥ иштейт. Пландалганыла болзо, 2022 јылга јетире ӧйдиҥ туркунына база бир канча СЭС-тер тудулар, ол тоодо Чамалда, Кӧксуу-Оозында ла Шабалинде. Ол кирезинде бистиҥ республикада СЭС-тердиҥ ийде-кӱчиниҥ кеми 145 МВт-га једе берери темдектелет.

Кӱнниҥ чогынаҥ иштеер электростанциялар јаҥыс ла электроэнергияныҥ сурактарын аайлаштырып турган эмес, је анайда ок ар-бӱткен ару болорына, оныҥ байлыктарын чеберлеп аларына база камаанын јетирет.

ФОТОJУРУКТА: Оҥдой аймакта Ийинде тудулып јаткан СЭС.

Е. БУТУШЕВТИҤ фотојуругы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым