Шабалинде јаҥы цех ачылды

03.08.2018

Шабалинде эттеҥ јӱзӱн—башка продукция эдетен цех ачылды, мында азыйда «Айас-1» деген кооператив иштеген.

Предприятиениҥ кӧдӱриҥилӱ ачылтазында Алтай Республиканыҥ Башкарузыныҥ Председателиниҥ ордынчызы, јурт ээлемниҥ министри Александр Манзыров турушты.

Калганчы јылдарда АР-дыҥ Башкарузыныҥ болужыла кӧп саба аймактарда мал сойотон пункттар иштеп баштады, Эттеҥ јӱзӱн-башка продукция чыгаратан цехтер база кӧптӧйт. Темдектезе, 2017 јылда Кош-Агаш аймакта Jаҥы Белтирдеги, Кан-Оозы аймакта Экинурдагы предприятиелер гранттар алган, «Меркит» ООО-до мал сойотон пункт ачылган.

Шабалиндеги јаҥы цех бир кӱнге 1 тонна эттеҥ продукция эдип чыгарар аргалу. Кӧдӱриҥилӱ ачылтада «Айас-1» деген кооперитивтиҥ јааны Ольга Идубалинага ла цехтиҥ ишчилери Ирина Опанасенкого, Галина Егарминага ла Вера Устюжанинага Алтай Республиканыҥ Башчызыныҥ, Алтай Республиканыҥ Башкарузыныҥ Председателиниҥ Быйанду самаралары табыштырылган.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым