ВДВ-ныҥ кӱни — Горно-Алтайскта

07.08.2018

Кейде-десантный черӱлердиҥ кӱнине учурлалган кӧдӱриҥи Горно-Алтайскта јаҥжыкканы аайынча Jеҥӱниҥ паркында куран айдыҥ 2-чи кӱнинде ӧтти.

Ӱргӱлјик отко гирляндалар ла чечектер салала, десантниктер ады-јолы јарлу кижи, Совет Союзтыҥ Геройы, черӱниҥ генералы, ВДВ-ныҥ тӧзӧӧчизи Василий Маргеловтыҥ кереезиниҥ јанында јуулышкан. Черӱчил-десантниктерди Алтай Республиканыҥ башчызы Александр Бердниковтыҥ адынаҥ вице-премьер Роман Птицын уткыган.

«Кейде-десантный черӱлер бойыныҥ тӱӱкизинде ӧштӱле тартыжары јанынаҥ эҥ ле уур-кӱч, јеткерлӱ јакаруларды бӱдӱрген ле бӱдӱрип јат. ВДВ кӧп тоолу ченелтелерди ӧдӱп чыккан — бис десантниктердиҥ Ада-Тӧрӧл учун Улу јуу ӧйинде, «изӱ точкаларда» јуучыл јакылталар бӱдӱрер, терроризмге удурлажа јуучыл операцияларда кӧргӱскен ат-нерезин качан да ундыбаганыс ла ундыбазыс. Кандый ла уур-кӱч айалгалар болзо, олор ол ло турумкай, Тӧрӧлине ле черӱчил молјузына чындык болуп арткан» — деп, башчыныҥ уткуулду баштанузында айдылган.

Вице-премьердиҥ айтканыла, Алтай Республикадагы десантниктер јуучыл најылыктыҥ, Тӧрӧли алдында молјулардыҥ јаҥжыгуларын чебер апарып јат. Анайда ок олор бой-бойына јаантайын болушка келет, јеҥ јастанып јыгылган јуучыл нӧкӧрлӧриниҥ эземин чебер алып јӱрет. Jербойында канча јылдардыҥ туркунына јаш ӱйе ортодо черӱчил-тӧрӧлчи таскамал, граждан обществоныҥ институдын ӧскӱрери јанынаҥ элбек кемдӱ иштер ӧткӱрилет.

Десантниктерге уткуулду сӧстӧрин Горно-Алтайсктыҥ администрациязыныҥ јааны Ольга Сафронова, Россияныҥ ФСБ-зыныҥ Алтай Республика аайынча пограничный башкартузыныҥ јааны Александр Кайгородов, Россияныҥ УФСИН-иниҥ аҥылу учурлу «Эдельвейс» деген бӧлӱгиниҥ јааны Денис Панфилов, Алтай Республиканыҥ десантниктериниҥ биригӱзиниҥ јааны Аскар Тулебаев айткан.

Оноҥ десантниктердиҥ керек-јарактары черӱчил-афганецтердиҥ кереезиниҥ јанында улалган. Десантниктер локальный деген јуу-согуштарда ла јуучыл удурлажуларда јеҥ јастанып јыгылган јерлештерин бир минут унчыкпай эзеткен ле керееске чечектер, веноктор салган.

Байрам ӧйинде десантниктер Коммунистический проспектле, Афганистанда јеҥ јастанган јерлештердиҥ кереезинеҥ ала «Динамо» стадионго јетире, марш-бросок эткен. Оноҥ олор Туу-Кайаныҥ эдегинде ӧткӧн спорт маргаандарда турушкан.
Маргаандардыҥ уч-турулталарыла мындый јеҥӱчилдер јарталган:

Калашниковтыҥ автомадын јайрадары ла јууры — «Дуэль»:
1. Степан Чичканов
2. Шуну Байрышев
3. Айас Иртышев

Чой кӧдӱрери:
1. Степан Чичканов
2. Сергей Бессонов
3. Роман Чевалков

Токпок чачары:
1. Степан Чичканов
2. Сергей Санаров
3. Айдар Саналов

Чыдамкайга упражнение:
1. Варвар Кононов
2. Аржан Черышев
3. Дулатбек Меймканов

Канат тартары:
1. «Тельняшка» команда
2. «Рекс» команда
3. «Ветерандар» команда

Туу-Кайага чыгара јӱгӱрери:
35 јаштаҥ ӧрӧ:
1. Антон Суртаев
2. Виталий Акентьев
3. Сергей Деткин
35 јашка јетире:
1. Сергей Бессонов
2. Александр Тобоков
3. Аржан Черышев

«Дуэль» деген силовой экстрим:
1. Артем Сграблев
2. Александр Тобоков
3. Алексей Попов

Масрестлинг (агаш тартары):
1. Сергей Санаров
2. Айас Иртышев
3. Алексей Попов

Турникке тартынары:
1. Виталий Акентьев
2. Владимир Глушков
3. Аржан Черышев

Орой эҥирде дезе байрамга учурлалган фейерверк болгон.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина