Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Ајару балдардыҥ тап-эриктерин корыырына

10.08.2018

Куран айдыҥ 7-чи кӱнинде республикан башкаруда Сибирь федерал округта баланыҥ тап-эриктери аайынча чыдулу ишчилердиҥ турушканыла Координационный советтиҥ јууны ӧткӧн.

Оныҥ туружаачылары балдардыҥ тап-эриктерин корыыр бӧлӱкте бала тужыныҥ онјылдыгыныҥ стратегический ууламјыларын ла курч сурактарын шӱӱшкен.

Jуунда Сибирь федерал округ аайынча балдардыҥ омбудсмендери, Алтай Республиканыҥ прокуроры Николай Мылицын, јаҥ ла тап-эриктер корулаар структуралардыҥ, јаҥныҥ федерал органдарыныҥ Алтай Республикадагы бӧлӱктериниҥ, тергеелик министерстволордыҥ ла ведомстволордыҥ чыгартулу улузы турушкан.

Алтай Республиканыҥ башчызыныҥ адынаҥ јуулган улусты вице-премьер Роман Птицын уткыган.
«Jондыкты чеберлеп аларыныҥ тӧзӧлгӧзи болуп турган билениҥ институдын тыҥыдарына ла ӧскӱрерине ууламјылалган государственный билелик политикага суру Россияда тыҥып турганы иле сезилип баштаган. Россияныҥ президенти Владимир Путин јаҥжыккан российский кӧгӱс-санааныҥ байлыктарыныҥ культуразын чеберлейтени ле ӧскӱретени национальный јилбӱлер болгонын јаҥыс катап айтпаган. Россияныҥ президентиниҥ јӧбиле 2017-2027 јылдар Бала тужыныҥ онјылдыгы деп јарлалган. Мынызы государство билеле колбой тӧзӧмӧлдӱ политика ӧткӱрип турганын керелейт» — деп, Роман Птицын темдектеген.

Республиканыҥ прокуроры Николай Мылицын бала тужын корыыры ла чыдап јаткан ӱйени чебер алып јӱрери прокуратураныҥ органдарыныҥ ижинде тӧс ууламјылар болгонын темдектеген. Оныҥ айтканыла, калганчы јылдарда Алтай Республикада балдардыҥ каршулу керектер эдери астаган. Анайда ок јажы эр кемине јетпегендерге эдилип турган каршулу керектердиҥ кеми база кезем астап калган.

Сибирь федерал округтыҥ субъекттеринде балдардыҥ тап-эриктери аайынча чыдулу улузыныҥ координационный совединиҥ председатели Любовь Зябрева балдардыҥ тап-эриктерин корыыр бӧлӱкте бала тужыныҥ онјылдыгыныҥ стратегический ууламјылары ла курч сурактары керегинде айдып тура, Алтай Республиканыҥ башчызы Александр Бердниковко бу учурлу керек-јаракты тӧзӧп ӧткӱреринде јӧмӧгӧни учун быйанын айткан.

«Округтар аайынча координационный советтер эҥ курч јонјӱрӱмдик учурлу сурактарды шӱӱжерине, узак ӧйдиҥ туркунына чечилбей турган сурактардыҥ аайына чыгарына керектӱ тӧзӧлгӧн. 2018 јылдыҥ јаан изӱ айында Бала тужыныҥ онјылдыгыныҥ ӱч јылдык планы јӧптӧлгӧн. Бу план балдарла колбой ӧткӱретен иштердиҥ оноҥ арыгызы болуп јат. План 15 бӧлӱктеҥ турат ла ого 131 позиция кирет. Бу планга тайанып, тергеелик программалар белетелер. Ол программаларга бӱгӱн шӱӱжетен сурактардыҥ аайына чыгатан шӱӱлтелер кирер учурлу» — деп, Любовь Зябрева айткан.

Кемеровский областьта, Бурят Республикада, Алтайский ле Забайкальский крайларда, Новосибирский ле Томский областьтарда, Алтай Республикада балдардыҥ тап-эриктери аайынча иштеп турган чыдулу ишчилер балдардыҥ психический су-кадыгын корыыр бӧлӱктеги ижи, суулу объекттерде балдардыҥ ӧлӱмин болдыртпазы, «Jеткер јок јай» деп ӱлекер-проектти јӱрӱмде бӱдӱрери аайынча ченемелдериле ӱлешкен.

Алтай Республикада кенек балдардыҥ ӱредӱ алар тап-эриктерин јӱрӱмде бӱдӱрери керегинде Алтай Республиканыҥ ӱредӱ ле билим аайынча министри Алексей Бондаренко куучындаган. Кемеровский областьта балдардыҥ тап-эриктери аайынча чыдулу кижи Дмитрий Кислицын Грозный калага барып јӱргени ле анда ӧскӱс ле ада-энезиниҥ ајарузы јок арткан балдардыҥ тап-эриктерин јӱрӱмде канайда бӱдӱрип турганы керегинде куучындаган. Алтай Республикада бу айалга кандый болгоны керегинде Алтай Республиканыҥ иш, јонјӱрӱмдик ӧзӱм ле эл-јонды ишле јеткилдеери аайынча министрдиҥ ордынчызы Ирина Лыкова айткан. Суулу объекттерде балдардыҥ ӧлӱмин болдыртпазы керегинде ченемелдериле Алтайский крайда балдардыҥ тап-эриктери аайынча чыдулу кижизи Ольга Казанцева ӱлешкен. Анайда ок ӧскӧ дӧ тергеелердеҥ келген омбудсмендер куучын айдып, иштеги ченемлдериле ӱлешкендер.

Алтай Республиканыҥ јаҥ корыыр органдары јуунныҥ туружаачыларын республикада балдарла јеткер болдыртпазы, јажы эр кемине јетпегендер ортодо каршулу керектерди болдыртпазы аайынча кандый иштер ӧткӱрилип турганыла таныштырган.

Jуунныҥ турулталары аайынча балдардыҥ тап-эриктерин корыыр бӧлӱкте нормативно-правовой тӧзӧлгӧни јетире јазаары аайынча тӱп шӱӱлтелер белетелген.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина