Чыҥдыйды албаты баалайт

21.08.2018

ОНФ-тыҥ «Чыҥдыйды албаты баалайт» деген ӱлекерин јӱрӱмде бӱдӱрер амадула, текшироссиялык албатылык фронттыҥ Алтай Республикадагы талалык бӧлӱгиниҥ ишчилери школдордыҥ јаҥы ӱредӱлӱ јылга белетелгенин шиҥжӱлеп баштадылар.

Ӱредӱликтиҥ учреждениелеринде ӧткӱрилген рейдтерде бу улус школдордыҥ јанындагы јолдо јеткер болдыртпазыныҥ аайына, школдордыҥ бойыныҥ, оныҥ кыптарыныҥ ла спортплощадкаларыныҥ айалгаларына, ӧрттӧҥ јеткер болдыртпазын јеткилдеериниҥ, санитарно-эпидемиялык некелтелерди бӱдӱрериниҥ сурактарына, гигиенаныҥ ла медицинаныҥ јеткилдештери канайда тӧзӧлгӧнине јаан ајару эдедилер.

Албаты фронттыҥ бу ӱлекерин бӱдӱрер амадула ОНФ-тыҥ чыгартулу улузы 2018 јылдыҥ кочкор айында республиканыҥ тӧс калазындагы, Майма ла Чой аймактардагы школдорды шиҥдеген эди. Ол тушта олор рейдтердиҥ турулталары аайынча јаҥныҥ талалык органдарына илезине чыгарылган једикпестерди јоголтсын деп баштангандар. Ӧдӱп турган мониторингтерде школдор јаҥыс ла јаҥы ӱредӱлӱ јылга канайда белетенип алганы шиҥдеп турган эмес, је рейдтерде болгон једикпестердиҥ тӱзедилгени база кӧрӱлип јат.

Бу монитронгте ӧскӱс балдардыҥ ла ада-энезиниҥ кичеемели јок арткан Г. К. Жуковтыҥ адыла адалган школ-интернат јаҥы ӱредӱлӱ јылга белен болгоны јарталган.
Коррекционный школ-интернатта тургуза ӧйдӧ капитальный иштер ӧдӧт. Мында ӱренер корпуста ла оныҥ тыш јанындагы јерлерде јазамал иштер кӧндӱгип калган. Тудум ла јазал иштерди ӧткӱрип турган строительдердиҥ айтканыла, мындагы иштер сыгын айдыҥ 1-кы кӱнине јетире тӱгенип калар.

— Бу эмдиги ӧйдиҥ некелтелерине толо келижип турган ӱредӱлик учреждение болор. Мында балдарга эптӱ јерлерде ӱренер аргалар тӧзӧлӧт. 2016 јылда школ-интернатта ӱредӱлик корпус, ӱредӱлик класстар ла мастерскойлор јазалган болгон. 2017 јылда уйуктайтан корпуста, медпункта јазамал иштер ӧткӧн, аш-курсак белетеер кыптар јаҥыртылган, спорттыҥ площадказы јазалган. Бу тудум иштерге акча-манат республиканыҥ бюджединеҥ берилген. Текши алза, бу иштерге 150 миллион салковой акча чыгарылган — деп, ОНФ-тыҥ Алтай Республикадагы талалык штабыныҥ турчызы Мария Смышляева айткан.

Кулагы укпас балдардыҥ школ-интернады эскизи јеткен турада иштейт. Андый да болзо, школдыҥ туразы јаантайын кичеемелде. Jе школдыҥ јанында јолды кечетен «зебра» ла тротуар јок.
Каланыҥ 8-чи таҥмалу школында кочкор айда болгон рейдте кӧп једикпестер болгон, эмди олор тӱзедилген, мында оок-тобыр јаҥыртулар ӧткӱрилген. Тураныҥ тыштындагы ла ичиндеги оодылган ла эскирген штукатурканы шыбап, будуп койгондор, ӱредӱчилердиҥ тапчы кыбы эмеш јаанадылган.

— Чириген полды, агаштаҥ эткен кӧзнӧктӧрди ле эжиктерди, эски унитазтарды солыыры керек те јок, нениҥ учун дезе бу турага јаҥыс ла капитальный јазаш ӧткӱрер керек, мында 1930 јылдардаҥ бери ремонт ӧткӱрилбеген. Каланыҥ 8-чи таҥмалу школын тӧзинеҥ ала јаҥыртары керегинде таланыҥ јаанына мынаҥ озо айтканыс. Ол бу суракты бойыныҥ шиҥжӱзинде тудар болгон. Бӱгӱнги кӱнде дезе оныҥ сметазы тургузылган ла ол шиҥжӱни ӧткӧн эмтир — деп, ОНФ-тыҥ Алтай Республикадагы талалык штабыныҥ сопредседатели Андрей Ищенко айтты.

Бу рейдтердиҥ турулталары аайынча ОНФ-тыҥ чыгартулу улузы јаҥныҥ талалык органдарына једикпестерди тӱзедери аайынча шӱӱлтелерин бу кӱндерде аткарар. Республиканыҥ эл-јоны школдорды јаҥы ӱредӱлӱ јылга белетеери јанынаҥ бойлорыныҥ шӱӱлтелерин ОНФ-тыҥ «Чыҥдыйды албаты баалайт» деп ӱлекериниҥ narocenka.ru деп суруулу сайтына аткарар аргалу.

ОНФ-тыҥ Алтай Республикадагы талалык бӧлӱги

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина