Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Школдор чыныкталган, кабинеттер јазалган

21.08.2018

Jаҥы ӱредӱлӱ јыл башталар алдында Горно-Алтайсктыҥ администрациязыныҥ јааны О. А. Сафронова газетке кыска интервью берген.

— Ольга Александровна, куран ай каланыҥ учреждениелеринде, ада-энелерге јаҥы ӱредӱлӱ јылга белетенериле колбой сӱреен шакпыртту ӧй эмей. Горно-Алтайск кӱскиде балдарла иштеерине белен бе?
— Горно-Алтайскта школдор до, балдардыҥ садиктери де да јаҥы ӱредӱлӱ јылга белен. Ӧткӧн неделеде ведомстволор ортодогы комиссия республикан тӧс јердиҥ бастыра ӱредӱлик организацияларын айланып, олордыҥ беленин шиҥдеген. Андый шиҥдешти каланыҥ ӱредӱлик башкартузына кирип турган ончо школдор ло балдардыҥ садиктери ӧткӧн. Сыгын айдыҥ 1-кы кӱнинде ончо учреждениелер балдарга эжиктерин ачар ла ижин баштаар.

Ӱредӱлик учреждениелерди јаҥы ӱредӱлӱ јылга белетеерине акча-манат јербойыныҥ ла республикан бюджеттеҥ чыгарылган. Капитальный јазамал иш ӧткӱрерине 28,8 млн салковой ууландырылган. Оныҥ 11,5 миллион салковойы јербойындагы бюджеттеҥ, 17,2 миллион салковойы республика бюджеттеҥ. Ӧрт болдыртпазын јеткилдеерине — 6,02 млн салковой, терроризмле тартыжарына —2,9 млн салковой, оок-тобыр јазамал иштерге 4,8 млн чыгарылган (олордыҥ 2,4 миллионы —јербойындагы бюджеттеҥ, база 2,4 миллионы республикан бюджеттеҥ). Ол тоодо:
-6-чы номерлӱ лицей оок-тобыр иштер эдерге ле тураныҥ тыштын јарандырарына (3Д плитка салынган) 1,2 миллион салковой тузаланган;
-агаш кӧзнӧктӧрди пластик кӧзнӧктӧрлӧ солыырына 2018 јылда јербойындагы бюджеттеҥ 4,0 млн салковой, республикан бюджеттеҥ 1,3 млн салковой чыгымдалган (1-кы таҥмалу школдо — 875,0 муҥ салковойго, 3-чи таҥмалу гимназияда— 1 миллион кадеттердиҥ 4-чи таҥмалу школында —500 муҥ салковойго, 10-чы таҥмалу школго — 1300,0 муҥ салковойго, балдардыҥ 16-чы таҥмалу садигинде — 925,00 муҥ салковойго турар иштер эдилген).

Тургуза ӧйдӧ балдардыҥ 11-чи таҥмалу садигинде капитальный јазал иштер ӧткӱрилет, мында 16,08 миллион салковойго јӧптӧжӱ тургузылган. Балдар сидикке сыгын айдыҥ баштапкы кӱнинеҥ ала јӱргилеп баштаар.
Анчада ла јаан ајару јеткер јок болорыныҥ сурактарына эдилди. ӧрт болдыртпазыныҥ јазалдары шиҥделген, јеткер болзо, тӱрген чыгатан эжиктерге, ӱзеери текпиштер бар болгонына, корулайтан сигнализация тургузылганына, видеокӧрӱниҥ аайына, электроотло јеткилделгенине ајару эдилген, Ого ӱзеери кӧп школдордо оок јазал иштер ӧткӱрилгениле колбой, аш-курсак белетеер јепселдер, мебель, јымжак јазалдар алылган. Школдорды шиҥдеер ӧйдӧ МЧС-тыҥ ишчилери ӧрт болдыртпазыныҥ ээжилерин бӱдӱргендерин лаптап кӧрдилер. Анайда ок бастыра документтерди, инструкцияларды, јартамалдарды шиҥдегендер.

Ӱредӱликтиҥ бастыра 30 объектинде једикпестер јок болгон. Онызы јыл туркунына ӧткӱрилген профилактикалык иштердиҥ шылтузы эмей.
Бӱгӱн Горно-Алтайск каланыҥ бастыра ӱредӱлик учреждениелери ишке белен: кабинеттер јазалган, аш-курсак белетеер јерлер, спорттыҥ площадкалары ишке белен тургылайт.

Jаҥы 2018-2019 ӱредӱлӱ јылга текшиӱредӱлик организациялардыҥ белетенгенин шиҥдеер муниципал комиссияныҥ темдектегениле, бу учреждениелердиҥ айландыра јерлеринде сӱреен кӧп ӧзӱм јажарып ӧзӧт. Бу чечектерлӱ чӱмдемелдерди шиҥдееринде педагогтор, ӱренеечилер ле олордыҥ ада-энелери эрчимдӱ турушкандар
— Jартамал учун јаан быйан. Каланыҥ школдорында ӱредӱлӱ јыл јакшы ӧтсин деп кӱӱнзеп турубыс.

С. Альчинов куучындашкан

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина