Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Улустыҥ су-кадыгы — баштапкы јерде

24.08.2018

Куран айдыҥ 17-чи кӱнинде Росздравнадзордыҥ Алтай Республикадагы органыныҥ туразында бу организацияныҥ экинчи кварталда ӧткӱрген ижиниҥ турулталары аайынча ачык јуун-шӱӱжӱ ӧтти.

Jуунды Росздравнадзордыҥ Алтай Республикадагы органыныҥ башкараачызыныҥ ижин бӱдӱреечи Клара Васильевна Бурулова ачып, сӧсти Алтай Республиканыҥ башкарузыныҥ председателиниҥ ордынчызы Роман Викторович Птицынга берди. Ол јуунда шӱӱжилетен сурактардыҥ јаан учурын темдектеп, оныҥ туружаачыларына једимдӱ иш кӱӱнзеген.
Оныҥ кийнинде су-кадыкты корыйтан иштиҥ экинчи кварталдагы турулталары ла бу ууламјыдагы керектерде јаҥ корыычы органдардыҥ турушканы керегинде доклад болды. Оны Росздравнадзордыҥ Алтай Республикадагы органыныныҥ медицина ла фармацевтика аайынча ишти башкаратан бӧлӱгиниҥ јааны Елена Владиславовна Меткечекова этти.

Алтай Республиканыҥ Эл Курултайыныҥ комитединиҥ председатели Наталья Александровна Никитенко республиканыҥ бастыра јеринде улустыҥ су-кадыгын тыҥыдарына јасак чыгараачы органдар кандый камаанын јетирип турганы керегинде куучындаган.

Росздравнадзордыҥ Алтай Республикадагы органыныҥ акча-манат, правовой ло кадровый јеткилдеш аайынча бӧлӱгиниҥ јааны Татьяна Михайловна Елисееваныҥ куучыны медициналык ишчилердиҥ тап-эриктерин корыырыныҥ, ол ок ӧйдӧ олордыҥ ижине некелтени тыҥыдарыныҥ сурактарына учурлалды. Бу специалист 314-фз таҥмалу федерал јасак аайынча Алтай Республикада чемет ооруны эртедеҥ илезине чыгарары аайынча иштер канайда бӱдӱп турганы керегинде элбеде куучындаган.

Татьяна Михайловна анайда ок кижини кенек деп јарадатан камыстыҥ ижине эдилип турган јаҥы некелтелер јанынаҥ солун јартамалдар этти.

Алтай Республиканыҥ медицина јанынаҥ кыйалтазы јогынаҥ страховать эдери аайынча јербойындагы фондыныҥ (ТФОМС) директорыныҥ ордынчызы Александра Михайловна Адарова, ОНФ-ныҥ Алтай Республикадагы исполкомыныҥ јааны Сергей Викторович Денчик кажызы ла бойыныҥ ижи јанынаҥ јетирӱ эттилер.

Темдектезе, С. В. Денчик ОНФ-ныҥ Алтай Республикадагы исполкомына келип турган бир кезек комыдалдар керегинде куучындаган. Бир канча комыдалдар чалаҥ иштӱ медишчилердиҥ јастыраларыла, кезиги кӱркет болгоныла колбулу эмтир.

Чой аймактаҥ келип, јуунда турушкан кижи медицинский освидетельствование эдер тушта куурмактаныш болуп турганын темдектеди.

Т. ТОХНИН

ТОП

Конституция Российской Федерации

Принята всенародным голосованием 12 декабря 1993 года Конституция Российской Федерации с изменениями, одобренными в ходе общероссийского голосования 1 июля 2020 года

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти.