Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

«Ак Талай Маргаан-2018»

28.08.2018

Бу кӱндерде Оҥдой аймакта Кадын сууда рафтингле «Ак Талай Маргаан» деп адалган јаҥжыгып калган фестиваль ӧдӧт.

Бу фестиваль-марафонды гребной слалом, рафтинг ле спорт туризм аайынча республикан федерация АР-дыҥ экономикалык ӧзӱм ле туризм аайынча министерствозыныҥ, физический культура ла спорт аайынча комитединиҥ јӧмӧлтӧзиле 2000 јылдаҥ бери ӧткӱрип келген.

Фестиваль јер-телекей ичинде текшилей јарлу болуп калганын 2018 јылда ол Россияныҥ эҥ јакшы учурлу ӱлекерлериниҥ ТОП-200 деген тооломына киргени, ого «Национальное собятие 2018» деген статус берилгени керелейт.
Сууда маргаандар телекейлик класс-бӱдӱмдӱ Рафт-4, Рафт-6 кемелер аайынча ӧткӱрилет. Бу маргыжуларда орооныстыҥ эҥ тыҥ деген рафтингисттери, ӧскӧ ороондордоҥ айылчылар туружары јаҥжыгып калган. Быјылгы да маргаандар бийик кеминде ӧткӧнин спорттыҥ специалисттери де, кӧрӧӧчилер де темдектейт.

Мындый јаан маргаандар бистиҥ де тергеениҥ рафтингисттерине јакшынак ченелте болот. Олордыҥ узы-ченемели јылдаҥ јылга бийиктеп турганын јерлештерис телекей кеминде маргаандарда јеҥӱчил болуп турганы керелейт. Параллельный спринтле, слаломло, ыраак јарышла ӧткӧн маргаандардыҥ јеҥӱчилдери кайралдарла, сыйларла кайралдаткан. Супермарафонло маргаан бӱгӱн ӧдӧт.

Бу фестиваль улус спортло тазыктырынарына ла су-кадык јӱрӱм јӱрерине, сууда спорттыҥ ӧзӱмине, спортчылар ченемел аларына јаан камаанын јетирет.

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина