Терроризмле тартыжуда бирликтиҥ кӱни

04.09.2018

Терроризмле тартыжуда бирлик болорыныҥ кӱнине учурлалган митинг сыгын айдыҥ 3-чи кӱнинде Горно-Алтайск калада ӧтти. Терроризмле тартыжуда бирлик болорыныҥ кӱнин темдектеери 2005 јылда, 2004 јылдыҥ сыгын айыныҥ 3-чи кӱнинде Бесландагы школдо болгон јаан террорло колбой, јарадылган. Бу кӱнде бастыра Россияда террористический акттарда корогондорды, тап-эриктер корыыр органдардыҥ молјузын бӱдӱрип, јӱрӱмин берген ишчилерин эзедип турулар.

Митинг ичбойындагы керектердиҥ органдарыныҥ молјуларын бӱдӱрип корогон ишчилериниҥ эземиниҥ мемориалыныҥ јанында болды. Митингте республиканыҥ бӱдӱреечи ле јасакчы органдарыныҥ, тап-эриктер корыыр ла ӧскӧ дӧ службалардыҥ чыгартылу улузы, каланыҥ эл-јоны, јашӧскӱрим туруштылар. Онойдо ок МЧС-тыҥ АР-дагы баш башкартузыныҥ, МВД-ныҥ, РФ-тыҥ Национальный гвардиязыныҥ АР-дагы јуучыл бӧлӱгиниҥ, Россияныҥ ФСБ-зыныҥ АР-дагы пограничный башкартузыныҥ, ФСИН-ниҥ АР-дагы башкартузыныҥ ишчилери туруштылар.

Алтай Республиканыҥ башчызы, башкарузыныҥ председатели Александр Бердников јуулгандарга баштанып айткан эзем сӧзинде терроризмле тартыжуда бирлик болорыныҥ кӱни молјузын бӱдӱрип корогондордыҥ кереезинде ӧткӱрилип турганы учурлу деди. Бистиҥ јуучылдар баштапкы ла катап Чечняда јуу-согуштарда јеҥ јастанып јыгылгандар. Юрий Майдоров, Александр Валетов, Михаил Демьянов, Николай Толмачев, Вячеслав Новиков Тӱндӱк Кавказта молјуларын бӱдӱрип, јеҥ јастанып јыгылган.

Алдындагы јылдарда бистиҥ ороондо терроризм деген сӧсти билбес те болгонысты башчы эзетти. Је телекей кубулган, бойыныҥ јабыс јилбӱлерине болуп, телекейди бийлеерге, Россияныҥ ийде-кӱчин астадарга тургандар бистиҥ де јериске једип келди. Бу кӱн ороонныҥ бастыра эл-јонына терроризм деген кижи кӱӱни јок јеткер болбозын, ӱстисте ару ла амыр теҥери турзын деп, ајарыҥкай ла сергелеҥ болорын база катап эзедет. Башчы оноҥ ары јуулгандарга амыр-энчӱ ле ару теҥери кӱӱнзеди.

Эземниҥ сӧстӧрин онойдо ок «Десантниктердиҥ бирлиги» деп тергеелер ортодогы јондык биригӱниҥ АР-дагы бӧлӱгиниҥ председатели Аскар Тулебаев айдып, јашӧскӱрим ортодо анчада ла јуучыл-тӧрӧлчи кӱӱнге таскадарын эрчимделтерине ајару этти. РФ-тыҥ Национальный гвардиязыныҥ јуучылдарыныҥ федерал службазыныҥ АР-дагы башкартузыныҥ јааныныҥ ордынчызы Андрей Кука сӧс айдып, амыр-энчӱ теҥери турзын деп, терроризмге удурлажа тартыжуда олор тынын да карамдабас деди.

Алтай Республиканыҥ национальный политика ла јондыкла колбулар аайынча комитеди эки јылга улай балдардыҥ терроризмле тартыжуга учурлалган «Бистиҥ Тӧрӧлисте терроризмге – јок!» деген республикан конкурсын ӧткӱрет. Митингте оныҥ јеҥӱчилдери ле јуруктары кӧргӱзилди.

Митингте тӧрӧлчи, јуучыл учурлу кожоҥдор, ӱлгерлер угулды. 2015 јылдыҥ ӱлӱрген айыныҥ 31-чи кӱнинде Синайский јарымортолыктыҥ ӱстинде болгон авиакатастрофада корогондорды база эзеттилер, ол тоодо бистиҥ тергеениҥ 22 јашту кызы, бортпроводница Ирина Оларуны.

Јуулган улус корогондорды бир минутка туруп эзеткен кийнинде мемориалга чечектер салылды.

Н. БЕЛЬЧЕКОВА

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина