«Мен – јонјӱрӱмдик сурактарла иштеер кижи!»

07.09.2018

Сыгын айдыҥ баштапкы кӱнинде Алтай Республиканыҥ депутады, «Звезда Алтая» республикан газеттиҥ баш редакторы Алена Борисовна Казанцевага толо јаш кирди.

Уткуулду сӧстӧрди Алена Борисовна чыккан кӱнинеҥ бир неделе озо угуп баштаган ла олор эмдиге јетире келет. Нениҥ учун дезе бу кижиге јылу сӧстӧрин айдарга тургандар сӱреен кӧп. Кӧп ӱнбереечилер оныла таныш, ого бӱдӱп јат. Алена Борисовнаныҥ болужы јӱстер тоолу билелерге, олордыҥ тоозында кӧп балдарлу, кенек балдарлу билелерге, ветерандарга јеткен. Оныҥ канча эткен керектериле, тузалу јӧбиле улуска болушканын чоттоп то болбозоор… «Мен – јонјӱрӱмдик сурактарла иштеер кижи!» – деп, интервьюларыныҥ бирӱзинде ол бойы керегинде айткан. Бу айтканы Алена Борисовнаныҥ јӱк ле иштеп турган ижине эмес, је онойдо ок оныҥ ич-кӧрӱмине база келижет.

Нениҥ учун ол улустыҥ оору, кенек балдарла, кенек јаан улусла колбулу учуралдарга анчада ла тыҥ ајару эдип турган деген суракка каруу берип тура, «салым оной келишкен» – деп, Алена Борисовна јартайт. Ол бойыныҥ јӱрӱминде база бу билелердий ок айалгада болгон. Оныла куучындажып тура, јӱк ле ӧрӧ айдылганы учун эмес, ол алдынаҥ бойы јалакай, буурзак, килеҥкей, болушчаҥ болгоны учун бу улуска болужып јӱргенин оҥдоорыҥ.

Бойыныҥ јӱрӱминде уур-кӱчтер болзо, ижиле колбулу керек-јарактар там кӧптӧп тургандый болот. Бу учуралдарда Алена Борисовна колын бош салбай, ончо ижин бӱдӱрип, улуска јолыгып, јолыкканда јаантайын јылу кӱлӱмзиренип, олорды кучактап јӱрет.

Оныҥ башкарып турган редакцияныҥ ӧмӧлиги оны тооп турганы кӧпти айдат. Олордыҥ айтканыла, Алена Борисовна кажы ла кижиге аҥылу ајару эдет, керек дезе мактап, болужын јетирет. Кезикте бойын да сананбай, кажызын ла оҥдоп, јӧмӧжип турат.

Алтай Республиканыҥ депутады да, јонјӱрӱмдик проекттердиҥ башкараачызы да, јамылу иште де иштеп турган болзо, Алена Борисовна кезикте ӧткӧн јӱрӱмине кайра кӧрӱп, ӱредӱчи болгон ӧйлӧрин эске алат. «Школго бурылар ба, кандый» – деп, та кокырлап туратан, та чынаҥ айдып туратан. Болордоҥ айабас… Је школдогы досконыҥ јанында туруп, ондор тоолу балдардыҥ кӧзине кӧрӱп турза да, ол јонјӱрӱмдик кижи болуп артар.

Кижи ондый болуп бӱткен де – оныҥ ордына не керек? Ал-камык сурактар, улуска болуш сурап, кӧп бозоголор айланар керек, бойыҥа ӧй јок. Јуук улузына ӧй јетпей јат, мыныҥ шылтузында аайлашпастар да болот. Је улуска болуш керек, ол канайдар?… Алена Борисовна ойто ло барып, болужар. Оныҥ бир кичинек те болужы улуска јӱрӱмде јыгылбай, ичкери алтаарга арга берет.

***

Кӱндӱлӱ Алена Борисовна! Чыккан кӱнигерле акту кӱӱнистеҥ уткып, бек су-кадык, билегерде амыр-энчӱ, ижигерде једимдер ле амадаган амадулар бӱдӱп турзын деп кӱӱнзейдис.

«Алтайдыҥ Чолмоны» газеттиҥ ӧмӧлиги

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде