Эртен турадагы зарядкага келигер!

09.10.2018

Горно-Алтайсктыҥ эл-јоны неделеде эки катап, вторник ле пятница кӱндерде, «Спартак» стадиондо эртен турада 8 саат 15 минутта башталып турган зарядкада туружар аргалу.

Баштапкы андый зарядка ӱлӱрген айдыҥ 3-чи кӱнинде ӧткӧн, оны Алтай Республиканыҥ спорт аайынча комитединиҥ јааны Заури Казакпаев бу ок комитеттиҥ ле ведомственный башкартуда государственный учреждениелердиҥ ишчилериле кожо ӧткӱрген болгон. Мынаҥ ары андый зарядкаларды Алтай Республиканыҥ спортло јуунты командаларын белетеери аайынча тӧс јердиҥ инструктор-методизи Владимир Максимов ӧткӱрер деп, тергеениҥ башкарузыныҥ сайты јетирет.

Јуук кӱндерде эртен турадагы зарядкада каланыҥ ӱредӱлик учреждениелериниҥ ӱренеечилери туружар. Эртен тура эт-канды «ойгозор», изидер тазыктыру-зарядканыҥ туружаачылары ӧрӧ адалган тӧс јердиҥ уштынар-кийинер кыптарын тузаланар аргалу. Зарядканыҥ кийнинеҥ мында ла душтыҥ алдында јунунып алар арга бар.
Бу керек-јаракта туружарга кӱӱнзеп турган ишмекчи ӧмӧликтер, улус Алтай Республиканыҥ спортло јуунты командаларын белетеери аайынча тӧс јерге мындый сурула ӧмӧлик угузу бичик аткарар аргалу: Горно-Алтайск кала, «Спартак» деген республикан стадион, Спортивный переулок, 14, телефон – 2-28-45, электрон почта – shvsm_ra@mail.ru.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина