Газла јеткилдештиҥ сурагы шӱӱжилген

12.10.2018

Бистиҥ тергееде 2018 јылда газификация ӧткӱрери јанынаҥ сурак Алтай Республиканыҥ башчызы Александр Бердниковтыҥ башкартузыла ӧткӧн ишмекчи јуунда шӱӱжилип кӧрӱлген.

Ол сурак аайынча јетирӱни Алтай Республиканыҥ башкарузыныҥ председателиниҥ баштапкы ордынчызы Роберт Пальталлер эткен. Оныҥ айтканыла, Манјӱрек јуртта 665 турага подводящий деген газӧткӱш јууктада ӧткӱрилип, ӱлекер-сметный документтер белетелип калган ла иштер 2019 јылда оноҥ ары улалар. Суску јуртта газӧткӱш 370 турага јууктадылган, бу туралардаҥ 94-зин газӧткӱшке колбоп салган. Ай-Балык јуртла узуны 1,2 километр газӧткӱш ӧткӱрилген, ӱлӱрген айда газ бу газӧткӱшле барар, 114 тураны «чаҥкыр одыруга» колбоор. Бу туралардаҥ 30 тура газ аларына белетелип калган.

Горно-Алтайскта «Эски музей» деген микрорайондо 315 турага газӧткӱш јууктадылган, 117 тураны ого колбоп салган. «Поселок» микрорайондо газӧткӱш 520 турага јууктадылган ла 117 тура ого колболгон. Плодово-ягодный оромдогы 114 турага ар-бӱткенниҥ газы јууктадылган, бу туралардаҥ 46 тура ого колболгон.

П. Кучияктыҥ адыла адалган оромдогы 30-чы таҥмалу микрорайондо узуны 23 километр газӧткӱш ӧткӱрер керек, ол 962 тураны газла јеткилдеер учурлу. Тургуза ӧйдӧ «Газпром» бу объектти тударына саду-аукционды јарлап салган.
Байат оромдогы микрорайондо 793 тура газла јеткилделер аргалу. Гардинно-тюлевый фабрика болгон јердиҥ јанында 1810 тура ар-бӱткенниҥ газын тузаланар аргалу болуп калган, мында строительно-монтажный иштер ӧдӧт.
Алтай крайда «Алтыгы Кайыҥчы» деген газӱлештиреечи станциядаҥ јурттар ортодо узуны 12,6 километр газӧткӱш Майма аймакта Манјӱрек јуртка јетире тудулып калган. Строительно-монтажный иштер эки бӧлӱктей ӧдӧр, олор 2019 јылда башталар.

Баштапкы вице-премьердиҥ темдектегениле, тергееде газификация «Газпром» ПАО-ло јӧптӧштирилген график аайынча ӧдӧт, газ учун тӧлӧмирлер јанынаҥ бистиҥ тергееде тӧлӱлер јок.
«Газ улуска керектӱ, ол эл-јонныҥ јадын-јӱрӱминиҥ айалгалары јарамыкту болорына камаанын јетирет. Бис улуска тураларын газӧткӱштиҥ сетьтерине колбооры јанынаҥ болужар учурлу. Мен Майма аймактыҥ ла Горно-Алтайсктыҥ албаты-јонына јеҥилтелердиҥ кемин кӧптӧдӧри јанынаҥ јакылта бергем. Бу шӱӱлтени кӱчӱрген айда ӧдӧтӧн сессияга чыгарарыс. Мынаҥ озо ӧйдӧ аймакка бюджетте салылган акчаныҥ кеми 5 миллион салковой болгон болзо, эмди 10 миллион салковой салары темдектелет, тергеениҥ тӧс калазына – 20 миллион салковой» – деп, Александр Бердников айткан.

Оныҥ темдектегениле, болуш ветерандарга, кӧп балдарлу билелерге, јеҥилтелерлӱ ӧскӧ дӧ улуска эдилер.
Горно-Алтайск каланыҥ администрациязыныҥ јааны Ольга Сафронованыҥ јетиргениле, каланыҥ депутаттарыныҥ Совединиҥ келер јуук ӧйдӧ ӧдӧтӧн сессиязында эл-јонды газла јеткилдеери (подводка) јанынаҥ јӧмӧӧриниҥ ӱзеери аргалары аайынча сурак шӱӱжилип кӧрӱлер. Тӧлӧмир акчаныҥ кемин 5 муҥнаҥ 20 муҥ салковойго јетире кӧдӱрер деген шӱӱлте эдилет.

Тураларды газӱлештиреечи сетьтерге ӧйинде колбоорына учурлалган јуун-туштажулар эл-јон ортодо ӧткӱрилет. Ол туштажулар ӧйинде улус сетьтерге колбоорыныҥ аайы, јеҥилтелерлӱ улус туралардыҥ газификациязыныҥ чыгымдарыныҥ кезигин орныктырары, айыл-јуртка кандый јазалдар тургузары керегинде јетирӱлер алат.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина