Беларусь Республикала колбулар тудулат

16.10.2018

Алтай Республиканыҥ башкарузыныҥ ла Беларусь Республиканыҥ башкарузыныҥ ортодо саду-экономикалык, билим-технический ле јонјӱрӱмдик-культуралык бӧлӱктерде колбулар керегинде јӧптӧжӱге кол салылган.

Алтай Республиканыҥ башчызы Александр Бердников ло Беларуссияныҥ Россияда чрезвычайный ла полномочный чыгартулу кижизи Игорь Петришенко Белоруссияныҥ ла Россияныҥ тергеелериниҥ 5-чи форумыныҥ калганчы кӱнинде, ӱлӱрген айдыҥ 12-чи кӱнинде, бу јӧптӧжӱге кол салгандар. Могилев калага Белоруссияныҥ ончо областьтарыныҥ ла Россияныҥ 31 тергеезиниҥ чыгартулу улузы келген.

«Бӱгӱн бис Белоруссияныҥ элчизиле билим-технический, культурный ла экономический колбулар тудары керегинде јӧптӧжӱге кол салдыс. Бистиҥ тергееде турист-рекреациялык иш эрчимдӱ барып јат. Бис экология јанынаҥ ару продукция – мӧт, аҥныҥ мӱӱзин иштеп аладыс. Туулу Алтайда эҥ кӧп аҥдар – бу ончозы јаан суруда. Бис Белоруссияда коллегаларыска Алтай Республиканыҥ су-кадыкты орныктырар туризм јанынаҥ аргаларын тузаланар шӱӱлте эдедис. Бу форумга мен туризмде колбулар тудар амадула база келгем. Јӱк былтыр Алтайга Белоруссияныҥ 1,5 муҥ кижизи келип јӱрген. Јыл туркунына тергеебиске 2,05 млн. кижи келип амыраган. Быјыл бу тоо 100 муҥ кижиге кӧптӧӧри билдирет. Тургуза ӧйдӧ бис Могилевто айылдайдыс ла каланыҥ арузын ла јаражын кайкайдыс» – деп, Александр Бердников айдат.

Јӧптӧжӱдеги јаба иштер тыш экономикалык колбуларды ӧскӱрерине ле элбедерине јарамыкту айалгалар тӧзӧӧр учурлу. Онойып, Туулу Алтай ла Беларусь саду-экономикалык, билим-технический ле јонјӱрӱмдик-культуралык бӧлӱктерде колбуларды узак ӧйгӧ лӧ бастыра јандай тӧзӧп бӱдӱрерге турулар. Јаба предприятиелердиҥ ижин кӧндӱктирерге тӧзӧмӧл, акча-экономикалык ла тап-эрик айалгалар, онойдо ок эки јанына јилбилӱ јаба ӱлекерлерди ле программаларды тургузары ла бӱдӱрери јанынаҥ айалгалар тӧзӧӧрине ајару эдилет.

Тергеениҥ башчызы ла Белоруссияныҥ элчизи ээлем субъекттердиҥ ярмаркаларда, аукциондордо ло саду-экономикалык ууламјылу керектерде туружары, ол тоодо сырьело, комплектующий ле белен эдимдерле, онойдо ок материальный аргаларла солыжары керегинде јӧптӧшкӧн.

Эки јаны онойдо ок билим-технический иште, культурада, су-кадыкты корыырында, ӱредӱликте, спортто ло туризмде јаба керектерди, јашӧскӱримниҥ ле ӧскӧ дӧ јондык организациялардыҥ колбуларын јӧмӧӧргӧ турулар.
Россияныҥ ла Белоруссияныҥ тергеелериниҥ Александр Бердников турушкан 5-чи форумында республиканыҥ Совединиҥ парламенттер ортодогы комиссиязыныҥ ла Федерация Совединиҥ тергеелер ортодогы колбулар аайынча комиссиязыныҥ јаҥжыккан јууны, онойдо ок Россияныҥ ла Белоруссияныҥ тергеелериниҥ 5-чи форумыныҥ пленарный јууны ӧткӧн. Олордо эки ороонныҥ президенттери Владимир Путин ле Александр Лукашенко турушкан. Форумда кӧрӱлген сурак – «Тергеелердиҥ колбуларын, биригип ӧзӧриниҥ тӧс керегин, ӧскӱрериниҥ учурлу ууламјылары».

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина