Тузаланганы учун тӧлӧӧр керек

16.10.2018

«Алтайэнергосбыт» АО Алтай крайдыҥ ла Алтай Республиканыҥ тузаланаачыларын электроэнергияла јеткилдеп тура, Сибирьдиҥ эҥ јаан энергосбытовой компанияларыныҥ бирӱзи болот.

Бу организацияныҥ јеткилдежин тузаланаачылардыҥ тоозында 13.5 муҥ юрлицо ло 442.5 муҥнаҥ кӧп физический лицолор.

Тургуза ӧйдӧ кезик тузаланаачылар электроэнергияны тузаланганы учун ӧйинде тӧлӧбӧй турганы курч сурактардыҥ бирӱзи болот. «Алтайэнергосбыт» АО электроэнергияны тузаланып, акча тӧлӧбӧй турганы, организацияныҥ чыгартулу улузы энергоалаачы јазалдарды кӧрӧрин јеткилдебей, ишле колбулу акттар тургузары керегинде некелтелерди бусканы ла оноҥ до ӧскӧ тутак-једикпестер учун 24 юрлицоны ла предприятиелердиҥ бир канча башкараачыларын административный каруузына Ростехшиҥжӱ ажыра тургускан. Јамылу улуска салылып турган административный штрафтыҥ кеми 100 муҥ салковойго јетире эмезе ӱч јылга јетире дисквалификация, юрлицолорго – 300 муҥ салковойго јетире (Россия Федерацияныҥ КоАП-ыныҥ 9.2 ле 14.61 тизимдери).

Электроэнергияныҥ социально-значимый деген бир канча тузаланаачылары электроэнергия учун тӧлӧӧри јанынаҥ молјуларын бӱдӱрери аайынча кемнеҥ де камаанду эмес банковский быжулаштар база этпеген учуралдар туштайт.
«Алтайэнергосбыт» АО-ныҥ генеральный директорыныҥ электроэнергияны садары јанынаҥ ордынчызы Сергей Петровтыҥ айтканыла: «Бӱгӱнги јасакберимниҥ аайынаҥ кӧрзӧ, энергобайлыктар учун тӧлӱлӱ ле электроэнергияны тузаланаачыныҥ молјуларын бӱдӱрбей тургандарды каруузына тургузары там ла катуланат. Ӧрӧ адалган кезедӱлерге ӱзеери, тутак-једикпестер јоголтылбаганча, штрафной кезедӱлердиҥ кеми Россия Федерацияныҥ КоАП-ы аайынча там элбедилер. Бистиҥ компания энергетиканыҥ бӧлӱгинде јасакберимниҥ ээжи-некелтелерин бусканы учун каруузына јаҥыс ла юрлицолорды эмес, је анайда ок јамылу да улусты кату каруузына тургузарын элбеде тузаланар».

Бу компания ээжи-некелтелерди бузаачыларды каруузына тургузары јанынаҥ Ростехшиҥжӱге 60 кире угузу бичиктер аткарган. Тургуза ӧйдӧ олордыҥ кезиги шиҥделип кӧрӱлет ле соҥында адакы јӧп јарадылар.

«Алтайэнергосбыт» энергосервисный јеткилдештер ӧткӱрет, энергокымакайлаачы технологияларды энергосервисный јӧптӧжӱниҥ ээжи-айалгалары аайынча иште тузаланат. 2017 јылдыҥ уч-турулталарыла болзо, компания бойыныҥ тузаланаачыларын 4.3 млрд кВтч электроэнергияла јеткилдеген.

Электроэнергияны организациялар ла таҥынаҥ тузаланаачылар тузаланып, ас эмес учуралдарда ол учун ӧйинде тӧлӧбӧй турганы эмди де курч сурак болуп артканча. Оныҥ учун бу суракты аайлаштырарында бар бастыра эп-сӱмелер тузаланылат, ол тоодо јасакберим аайынча кату каруузына тургузары.

«Алтайэнергосбыт» АО-ныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина