«Алтын кӱс-2018»: медальдар бисте

23.10.2018

Россияныҥ ВДНХ-да ӧткӧн «Алтын кӱс-2018» деп адалган агропромышленный кӧрӱзинеҥ бистиҥ республиканыҥ делегациязы тогус медальду јанган, олордоҥ алтузы – алтын.

Бу кӧрӱ ороонныҥ тӧс аграрный форумы болот ло Јурт ээлемниҥ ишчилериниҥ ле перерабатывающий промышленностьтыҥ ишчилериниҥ кӱнин байрамдаарыла колбулу керек-јарак болгон. Быјыл бу кӧрӱ 20-чи катап ӧткӱрилген, оныҥ ижин Россия Федерацияныҥ башкарузыныҥ председатели Дмитрий Медведев ачкан.
Алтай Республиканыҥ кӧрӱ площадказы алтай национальный ууламјыла белетелген болгон. Мында тергеениҥ АПК-зыныҥ тӧс деген 25 предприятиезиниҥ продукциязы тургузылган: эттеҥ белетеген аш-курсак, кузук, ӧлӧҥниҥ чайы, БАД-тар, бальзамдар, пантогематоген, сыр, мӧт лӧ адарулар ӧскӱрериниҥ продукциязы, ар-бӱткенниҥ ару суулары, косметический ле кондитерский эдимдер.

Выставка ӧйинде тергеениҥ предприятиелери Алтай Республиканыҥ јуртээлемдик производстводо аргаларын кӧргӱскен. Бу кӧрӱниҥ конкурсный номинацияларында туружып, Алтай Республиканыҥ јурт ээлеминиҥ башка-башка бӱдӱмдери тогус медальла кайралдаткан, олордоҥ алтузы алтын медальдар деп, АР-дыҥ јурт ээлем аайынча министерствозыныҥ пресс-службазы јетирет.

«Бӱлӱлӱдеги јуртээлемдик предприятие» ООО пантогематоген ле эттиҥ деликатестери учун эки алтын медальдарла кайралдаткан, «Нарине» ООО «Горно-Алтайский» бальзам учун, «Алтын» ООО – ар-бӱткенниҥ косметический продукциязы, «Алтын Суу» ООО ар-бӱткенниҥ ару суузы, «Туулу Алтайдыҥ деликатестери» ООО эттиҥ продукциязы учун кажызы ла алтын медальла кайралдаткан.

«Горно-Алтай-Фарм» ООО-го мумие учун, «Биостимул» ООО-го БАД-тар учун мӧҥӱн медальдар келишкен. «СК «Подворье» ООО чыҥдый йогурттар иштеп алып турганы учун кӱлер медальла кайралдаткан. Анайда ок бистиҥ делегация Москвадаҥ 25 диплом экелген. Эҥ ле јаан учурлу кайралла – Россия Федерацияныҥ јурт ээлеминиҥ министерствозыныҥ «Кӧрӱниҥ ӧзӱмине камаанын јетиргени учун» деген Гран-при сыйыла бистиҥ тергее быјыл баштапкы катап кайралдатты.

Кӧрӱ кеминде ӧткӧн башка-башка тематикалык ла отраслевой керек-јарактарда бистиҥ тергеениҥ јурт ээлем аайынча министерствозыныҥ специалисттери турушкан. «Иштиҥ кичӱ бӱдӱмдӱ предприятиелериниҥ јуртээлемдик продукциязын экспортко аткарарыныҥ ченемели» деп темала тегерик стол ӧдӧр тушта «Алтай Республиканыҥ «Абайский» СПК-зыныҥ ченемели ажыра аҥ ӧскӱрериниҥ ӧзӱми ле пантовый продукцияны экспортко аткарары» деген доклад эдилген.

Кӧрӱ ӧдӧр тушта Алтай Республиканыҥ экспозициязын кӧрӧргӧ Государственный Думаныҥ депутаттары, Федерация Совединиҥ турчылары, Ярославский ле Тульский областьтардыҥ губернаторлоры, Саха-Якутия, Коми, Бурят республикалардыҥ јурт ээлем аайынча министрлери, ӧскӧ ороондордыҥ – Иранныҥ, Германияныҥ, Израильдиҥ ле Словакияныҥ чыгартулу улузы, тергеелердиҥ, отраслевой биригӱлердиҥ, федерал ла тергеелик министерстволордыҥ ла ведомстволордыҥ окылу улузы келип јӱрген.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина