Ирбизектиҥ кереезиниҥ салымы кандый?

23.10.2018

Ирбизектиҥ кереезин тургузары керегинде Эл Курултайдыҥ комитединиҥ јааны Вячеслав Ухановко куучындаштыс.

Оныҥ айтканыла, кереести тургузарына јуулган акчаныҥ кеми 853 муҥ салковой эмтир. Је ол ас эмей! Оныҥ учун керееске акча јуур иш улалар.

Кайда тургузар? Кӧп шӱӱлтелер айдылып турган эмтир. Ол тоодо «Спартак» стадиондо, эски музейдиҥ јанында, серкпениҥ суу келтейиндеги Улалушка сууны кечире кӱрдиҥ јанында, калага киретен јерде, керек дезе Ленинниҥ кереезиниҥ ордына… Ирбизектиҥ кереезин оныҥ 200 јылдыгына учурлай ӧткӱрилген байрамныҥ јеринде не тутпас? Андагы болчок тӧҥдӧ ол тушта кереес эдип таш салган јогыс па! Ол јер Кан ичиниҥ, текши республиканыҥ аҥылу кереес јери боло берер эди. Удабас мынайда туристтердиҥ маршруды Белокурихадаҥ башталып, Казахстан, Монголия јаар улалар деп табыш бар. Ого ӱзеери бу јер бастыра республиканыҥ тӧс јерине сӱреен јуук…

Ончо кереестерди бу кичинек калабыска не јууйтан дезеер. Мында тегин де Улагашевтиҥ, Кокышевтиҥ, Чаптыновтыҥ кереестери кӧскӧ јазап илинбес јерлерде тургузылган, улус кӧрбӧзин деп тургандый.

Вячеслав Николаевичтиҥ шӱӱлтезиле, оныҥ кийнинеҥ алтай баатырлардыҥ собирательный деген кеберин бир кереесте бириктирип, оны Себи бажында не тургуспас. Ол сӱреен јаан болор учурлу, Уфа калада Салават Юлаевтиҥ кереезине тӱҥей эдип.

Бу бистиҥ куучында аэропортты адаарыныҥ конкурсы керегинде база шӱӱжилди. Оны Сартакпай деп адап койзо, бу баатырлардыҥ темазын оноҥ ары улалтып, јӧмӧжӧр эди. Је В. Ухановтыҥ јартаганыла, ол конкурсты тӧс јерде јарлагандар. Оныҥ ээжизиле, аэропортты политический дейтен улустыҥ адыла адаарга јарабас, анайда ок чӧрчӧктӧрдиҥ геройлорыла, персонажтарыла адаарга база јарабас. Айса, Г. И. Чорос-Гуркинди улу јурукчы деп кӧрӱмле кӧрӱп, оныҥ адыла аэропортысты не адабас?

Је бот, андый солун куучын болды. Санаа-шӱӱлтегерди айдыгар ла!

Фотојурукта: «Алтай баатырлар» јуунтылардыҥ кадарындагы јурук. Андый кереес болгон болзо…

А. СЕЛЬБИКОВ, журналистиканыҥ ветераны

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина