Студенттердиҥ отрядтарыныҥ следында турушкан

26.10.2018

Студенттердиҥ отрядтарыныҥ 59-чы ишмекчи семестрыныҥ јабылтазына учурлалган Текшироссиялык слет бу јуукта Ростов-на-Дону калада ӧтти. Слетто бистиҥ республиканыҥ делегациязы база турушкан.

Студотрядтардыҥ следы ороондо јашӧскӱримниҥ кемиле, учурыла эҥ јаан деген керек-јарактарыныҥ бирӱзи болуп јат. Быјыл анда ороонныҥ башка-башка талаларынаҥ келген 3 муҥнаҥ кӧп туружаачылар турушты. Слет ӧйинде студотрядтардыҥ текшироссиялык спартакиадазы, ижиниҥ ууламјылары аайынча профессионал устыҥ текшироссиялык конкурсы, атомный отрасльдыҥ студотрядтарыныҥ следы, дискуссионный ла ӱредӱлик площадкалар, ишбереечилерле туштажулар ӧткӧн. Анайда ок јылдыҥ уч-турултазы аайынча тергеелик бӧлӱктердиҥ эҥ талдама деген чыгартулу улузын кайралдаары ӧткӱрилген.

Алтай Республиканыҥ адынаҥ студенттердиҥ отрядтарыныҥ тергеелик бӧлӱгиниҥ башкараачызы Виталий Тонгуров, тергеелик бӧлӱктиҥ башкараачызыныҥ ордынчызы, «Гелиос» деген строительный отрядтыҥ командири, Горно-Алтайсктагы госуниверситеттиҥ студенти Михаил Григорьев ле студенттердиҥ «Белуха» деген педагогический отрядыныҥ командири, Горно-Алтайсктагы педколледжтиҥ студенти Софья Черепанова турушкан.

Олордыҥ айтканыла, слеттыҥ программазы ныкта ла јилбилӱ болгон. Слеттыҥ окылу бӧлӱги ӧйинде Ростовский областьтыҥ губернаторыныҥ баштапкы ордынчызы Игорь Гуськов јербойыныҥ студотрядтары тергеениҥ экономиказыныҥ ӧзӱмине кандый камаанын јетирип турганы, олордыҥ јашӧскӱримниҥ политиказыныҥ ла тӧрӧлчи таскамалдыҥ бӧлӱгинде ижи керегинде куучындаган. Оныҥ аҥылап темдектегениле, Ростовский областьтыҥ јаҥдары студотрядтарды јӧмӧӧри керегинде јасакты ороон ичинде эҥ озо јараткан.

Анайда ок слеттыҥ туружаачыларыныҥ алдына студотрядтардыҥ тӧс штабыныҥ командири Михаил Киселев куучын айдып, ишмекчи семестрдыҥ уч-турулталарын јарлаган. Оныҥ айтканыла, 59-чы ишмекчи семестрде 250 муҥнаҥ кӧп студенттер турушкан. Ол студенттер кайда иштегендери ле кандый кӧргӱзӱлерге јеткени керегинде јетирӱ эткен.
Јашӧскӱримниҥ керектери аайынча федерал агентствоныҥ башкараачызыныҥ ордынчызы Роман Камаев студенттердиҥ отрядтары ороондо јашӧскӱримниҥ политиказын бӱдӱрерине кандый камаанын јетирип турганы ла госјӧмӧлтӧ керегинде куучындаган. Студенттерди студотрядтарга јилбиркедери јанынаҥ јарамыкту ченемелле «Росатом» госкорпорацияныҥ чыгартулу кижизи Андрей Голованов ло «Россияныҥ темир јолдоры» АО-ныҥ чыгартулу кижизи Дмитрий Кротов ӱлешкен.

«Мен мынаҥ озо мындый керек-јарактарда бир де болбогом, оныҥ да учун меге бастыразы јилбилӱ болгон. Озо ло баштап, эҥ артык педотрядтыҥ адыла ададары учун конкурстыҥ финалы ла тергеелик бӧлӱктердиҥ комиссарларыныҥ конкурсы болгон. Конкурстардыҥ туружаачылары кандый номерлер тургузып, кандый јакылталар бӱдӱрип турганын кӧрдим. Мен ӧскӧ тергеелердиҥ педотрядтарыныҥ туружаачыларыла танышкам, олор бойыныҥ ижиниҥ ченемелиле ӱлешкен. Олордыҥ айтканын, кӧргӱскенин педколледжте бӱткӱлинче тузаланарга чырмайарым» — деп, Софья Черепанова куучындаган.

АР-дыҥ делегациязыныҥ улузы слеттыҥ ӱредӱлик ле культурный программазында, башка-башка темаларла ӧткӧн тегерик столдордыҥ ижинде ле Сибирьдеги федерал округтагы тергеелик бӧлӱктердиҥ јуунында турушкан.
Слеттыҥ тӧзӧӧчилериниҥ тоозында: РФ-тыҥ ӱредӱлик аайынча министерствозы, билим ле бийик ӱредӱ аайынча министерствозы, спорт аайынча министерствозы, Ростовский областьтыҥ башкарузы, јашӧскӱримниҥ керектери аайынча федерал агентство, јашӧскӱримниҥ «Россияныҥ студенческий отрядтары» деген текшироссиялык јондык организация ла о. ӧ.

Бистиҥ тергеениҥ делегациязы бу слетто туружарын АР-дыҥ ӱредӱ ле билим аайынча министерствозы, АР-дыҥ «Јашӧскӱримниҥ политиказы, черӱчил-тӧрӧлчи таскамал ла јииттерди черӱдеҥ озо Алтай Республикада белетеери аайынча тӧс јер» БУ, Горно-Алтайсктагы госуниверситет ле педколледж јӧмӧгӧн.

Јашӧскӱримниҥ «Россияныҥ студенческий отрядтары» деген текшироссиялык јондык организацияныҥ Алтай республикан тергеелик бӧлӱги 2017 јылдыҥ куран айында тӧзӧлгӧн. 2018 јылда студенттердиҥ «Гелиос» деген строительный отряды тӧзӧлгӧн, оныҥ 15 туружаачызы Алтай Республиканыҥ ӱредӱлик учреждениелериниҥ студенттери. Отрядтыҥ турчыларыныҥ кӧбизи ГАГУ-ныҥ студенттери. Быјыл отряд Майма јурттыҥ јанында кӱнниҥ чогынаҥ иштеер станцияны тударында турушкан.

Анайда ок ГАГУ-да студенттердиҥ «Белуха» деген педотряды тӧзӧлгӧн, оныҥ турчылары Кемеровский областьта Белово калада балдар амырайтан ла су-кадыгын орныктыратан «Молодежный» деген лагерьдиҥ јайгы сменазында турушкан.

АР-дыҥ «Јашӧскӱримниҥ политиказы, черӱчил-тӧрӧлчи таскамал ла јииттерди черӱдеҥ озо Алтай Республикада белетеери аайынча тӧс јер» БУ-ныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина