Албатыныҥ бирлигиниҥ кӱни

02.11.2018

Кӱчӱрген айдыҥ 4-чи кӱнинде бистиҥ ороонныҥ албаты-јоны Россия Федерацияныҥ тӧс государственный байрамдарыныҥ бирӱзин – Албатыныҥ бирлигиниҥ кӱнин темдектеер. Россияныҥ Президенти Владимир Путин 2004 јылдыҥ јаҥар айында кол салган федерал јасакла јӧптӧлгӧн бу байрам бистиҥ ороондо текшилей темдектелери јакшынак јаҥжыгу болуп калган. Байрам баштапкы ла катап 2005 јылда кӱчӱрген айдыҥ 4-чи кӱнинде темдектелген.

1612 јылда ороонды олјочылардаҥ јайымдаарга болуп, албатыны Кузьма Минин ле Дмитрий Пожарский бириктирип, Россия кемнеҥ де камаанду эмес болоры учун тартыжуны башкарган. Мындый тартыжуныҥ шылтузында Москва поляк олјочылардаҥ јайымдалган. Ол канча чактар кайра болгон ат-нерелӱ керек эмди государство кеминде темдектелип турганы јолду ла јаан учурлу. Кажы ла албатыныҥ келер ӧйи бойыныҥ тӱӱкилик јолын ундыбаганынаҥ камаанду деп тегиндӱ айдылбаган.

Бистиҥ Туулу Алтайда бу байрам элбеде ле кӧдӱриҥилӱ айалгада темдектелери база бек тазылдана берген. Ого учурлалган байрамдык керек-јарактар тергеебистиҥ кажы ла толыгында ӧдӧт. Темдектезе, бу кӱнде эртен тураныҥ 11 саадында Горно-Алтайсктыҥ тӧс тепсеҥинде «Бис бирлик!» деген јаан митинг-концерт јаҥжыкканы аайынча ӧдӧр. Каланыҥ албаты-јоны ла айылчылары 17 саатта А. В. Анохинниҥ адыла адалган эл музейде ӧдӧтӧн «Искусстволордыҥ тӱни» деген Текшироссиялык акцияда туружар аргалу.

Байрамла, кӱндӱлӱ јерлештер!

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина