Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Чыгымныҥ орныктырар кеми кӧптӧдилген

02.11.2018

Горно-Алтайскта улустыҥ таҥынаҥ тураларыныҥ газификациязына бир катап берилетен материальный болуштыҥ кеми 5 муҥнаҥ 20 муҥ салковойго јетире кӧптӧдилген. Андый јӧпти Горно-Алтайск каланыҥ депутаттарыныҥ Совединиҥ бу јуукта ӧткӧн сессиязы јӧптӧгӧн.

Тураныҥ газификациязы аайынча јеткилдештер учун акча тӧлӧӧр аргазы јок улусты јонјӱрӱмдик јанынаҥ јӧмӧӧргӧ, компенсацияныҥ кемин 20 муҥ салковойго јетире кӧптӧткӧнинеҥ ӱзеери, андый јӧмӧлтӧни алатан улустыҥ тоозы база кӧптӧдилген.

Анайда ок билениҥ бир кижизине келижип турган кирелтениҥ кеми јанынаҥ некелтелер такыптаҥ кӧрӱлген. Мынаҥ озо ӧйдӧ кижиниҥ таҥынаҥ туразыныҥ газификациязына акчала бир катап материальный болуш эдер тушта билениҥ кажы ла кижизине келижип турган кирелтениҥ кеми прожиточный минимумныҥ 150 процент кеминеҥ ас болзо берилер болордо, эмди дезе кажы ла кижи бажына келижип турган андый кирелтениҥ кеми 200 процент кеминеҥ ас болор аргалу деп јӧптӧлгӧн. Јӱрӱм јӱрерине керектӱ акчаныҥ бистиҥ тергеедеги эҥ ас кеми канча кире болоры јербойында јӧптӧлип јат. Тургуза ӧйдӧ андый акчаныҥ кеми бистиҥ тергееде 9429 салковой (АР-дыҥ башкарузыныҥ 2018 јылдыҥ куран айыныҥ 10-чы кӱнинде јӧптӧлгӧн 252-чи таҥмалу јӧби аайынча), јартап айтса, билениҥ кажы ла кижизине келижип турган кирелтениҥ кеми 18859 салковойдоҥ кӧп болбос керек.

Газификацияга болуш алар јеҥилтелӱ улустыҥ тоозында Ада-Тӧрӧл учун Улу јууныҥ туружаачылары ла кенектери – олордыҥ кирелтелериниҥ кеми канча кире болгонынаҥ камаан јогынаҥ.

Анайда ок каланыҥ администрациязыныҥ адылу болужын билениҥ кажы ла кижизине келижип турган кирелтениҥ кеми јербойындагы прожиточный минимумныҥ кеминеҥ эки катапка кӧп эмес мындый улус база алар аргалу:

а) јуу-согушту керектердиҥ ветерандары;

б) јажы 60 ла 55 јашка јеткен улус (эр ле ӱй улус);

в) баштапкы ла экинчи группалардыҥ кенектери;

е) балдарлу билелер.

Бир катап тӧлӧлип турган акча-тӧлӧмирди кижиниҥ бичиген угузу бичиги аайынча ла керектӱ документтерди табыштырган соҥында тӧлӧӧр. Олорды Горно-Алтайск каланыҥ администрациязыныҥ тура ла јонјӱрӱмдик политика аайынча бӧлӱгине мындый сурула табыштырар керек: Коммунистический проспект, 13 (тӱрген болуштыҥ туразыныҥ кийни јанында), телефон 2-40-68.

Ӧрӧ адалган улустаҥ туразына газ ӧткӱрерге кӱӱнзеген улус анайда ок республикан бюджеттеҥ 15 муҥ салковойдыҥ јонјӱрӱмдик тӧлӧмирин алар аргалу. Бу суракла Алтай Республиканыҥ иш, јонјӱрӱмдик ӧзӱм ле эл-јонды ишле јеткилдеери аайынча министерствозыныҥ структурный бӧлӱгине, чокымдап айткажын, Горно-Алтайсктыҥ эл-јонды јонјӱрӱмдик јанынаҥ јӧмӧӧри аайынча башкартузына мындый сурула баштанар керек – Мичуринниҥ оромы, 2.

Баштапкы да, экинчи де учуралдарда бир катап тӧлӧлип турган акча-јӧмӧлтӧ бӱдӱрген ишти керелеп турган акттар аайынча тӧлӧлӧт. Ол акчаны тӧлӧӧр тушта газификацияныҥ чыгымыныҥ кеми канча кире болгоны ајаруга алылат.

Ӧрӧ адалган бӧлӱктерге келижип турган улус таҥынаҥ туразыныҥ газификациязыныҥ чыгымдарыныҥ кемин государствоныҥ болужыныҥ шылтузында 35 муҥ салковойго астадып ийер аргалу.

Алтай Республиканыҥ тергеелик ӧзӱм аайынча министерствозыныҥ јетирӱзиле, тергеениҥ башчызы Александр Бердниковтыҥ таҥынаҥ туралардыҥ газификациязын ӧткӱрер тушта эл-јонго эдилип турган јонјӱрӱмдик болуштыҥ кемин кӧптӧдӧри аайынча јакылтазын бӱдӱрип тура, министерство келер ӧйдӧ кезик улус 15 муҥ салковой кемдӱ ӱзеери болушты тузаланарына керектӱ келиштирте документтер белетейт.

  1. Бир катап тӧлӧлип турган акча-тӧлӧмирди кижиниҥ бичиген угузу бичиги аайынча ла керектӱ документтерди табыштырган соҥында тӧлӧӧр:

а) угузу бичик бичиген кижиниҥ паспортыныҥ эмезе кижини керелеп турган ӧскӧ документтиҥ копиязы;

б) кижи кандый бир бӧлӱк улустыҥ тоозына кирип турганын керелеген кере бичиктиҥ эмезе ӧскӧ документтиҥ копиязы;

в) кижи газификация ӧткӱрилип турган турада јадып турганын керелеген документ;

г) угузу бичик бичиген кижи ле тураныҥ газификациязын ӧткӱрип турган подрядный организация ортодо јеткилдештер ӧткӱрери керегинде тургузылган јӧптӧжӱниҥ копиязы;

д) тураныҥ газификациязы аайынча бӱдӱрген иштердиҥ угузу бичик бичиген кижи ле подрядный организация кол салган актыныҥ копиязы;

е) бир катап тӧлӧлип турган акча-тӧлӧмирди кижиниҥ сберкнижказыныҥ адылу счедына эмезе пластиковый картазына кӧчӱрери керегинде кижиниҥ угузу бичиги;

ж) 1-кы пункттыҥ «в», «г», «д», «е» подпункттарында кӧргӱзилген улустыҥ кезиги билезиниҥ улузыныҥ кирелтелерин керелеп турган документтер табыштырар, чокымдап айтса:

билениҥ иштеп турган улузы калганчы ӱч айдыҥ туркунына алган кирелтелер керегинде справка табыштырар;

билениҥ иштебей турган улузы эл-јонды ишле јеткилдеериниҥ тӧс јеринеҥ ишјоктыҥ акча-пособиезин алып эмезе албай турганы керегинде справка табыштырар;

пенсионерлер ле кенектер алып турган пенсиязыныҥ кеми керегинде справка табыштырар, ол тоодо бир катап тӧлӧлип турган акча-тӧлӧмир кӧстӧӧри керегинде угузу бичикти табыштырганынаҥ озо калганчы ӱч календарный айдыҥ туркунына тӧлӧлгӧн ӱзеери акча ла компенсационный тӧлӧмирди ајаруга алып;

з) сберкнижканыҥ лицевой счедыныҥ эмезе пластиковый картаныҥ копиязы;

и) тураныҥ газификациязыла колбулу иштер учун тӧлӧгӧни керегинде документтердиҥ копиялары (кассовый эмезе товарный чек ле/эмезе приходный кассовый ордерге квитанция)

к) угузу бичик бичиген кижиниҥ СНИЛС-иниҥ копиязы.

  1. Подрядный организацияла бӱдӱрген иш јанынаҥ тургускан актка тӧзӧлгӧлӧнип, тураныҥ газификациязына кижи канча кире чыгым эткенин ајаруга алып, бир катап тӧлӧлип турган акча-тӧлӧмирдиҥ кеми јӧптӧлип јат ла бир турага келижип турган андый акчаныҥ кеми 20 муҥ салковойдоҥ кӧп болбос учурлу.
  2. Газификацияга болуш эдеринеҥ мойножор шылтактар мындый:

—  билениҥ улузыныҥ тоозы, билениҥ бастыра улузыныҥ калганчы ӱч айдыҥ туркунына алган кирелтелери керегинде јетирӱлер чындык эмес болгоны;

—  бу Ээжиниҥ 16-чы пунктында кӧргӱзилген документтердиҥ бастыразын табыштырбаганы эмезе кезигин ле табыштырганы;

—  кижиниҥ кирелтезиниҥ кеми Алтай Республикада јӧптӧлгӧн прожиточный минимумныҥ кеминеҥ эки катап кӧп болгоны;

—  Горно-Алтайск калада јаткан јери аайынча регистрация јок болгоны;

—  угузу бичик бичиген кижи 1-кы пунктта кӧргӱзилген граждандарга келишпей турганы.

Горно-Алтайск каланыҥ администрациязы

ТОП

Итоги спортивных состязаний Эл Ойына-2018

В празднике участвовало более 700 спортсменов и жителей из 11 муниципальных образований Республики Алтай, а также спортсмены и гости из других регионов России: Тывы, Хакасии, Якутии, Новосибирской и Кемеровской области, Алтайского края. Так, в соревнованиях участвовали и именитые спортсмены (Кандидаты в мастера спорта – 31 чел., Мастера спорта России – 31 чел, 4-е Мастера спорта

ПРОГРАММА XVI Межрегионального праздника алтайского народа «Эл-Ойын 2018» урочище Межелик Улаганского района Республики Алтай

28 июня до 17.00 — Заезд участников и гостей праздника 19.00- — Заседание Оргкомитета 20.00-21.30 — Фестивальная программа «От-очокты кӱреелей» (Встреча гостей) (Малая сцена) 29 июня 6.00- — Мӱргӱӱл (обряд освящения) 9.00- — Соревнование «Алтай шатра» 11.00-12.40 -Торжественное открытие и театрализованное представление (Главная сцена) 12.40- — Открытие Выставочного центра (Город мастеров) 13.00-18.45 — Конкурс «Презентация

Россия Федерациязыныҥ президентиниҥ JАРЛЫГЫ

Россия Федерацияныҥ государственный кайралдарыла кайралдаары керегинде