Jуучыл-тӧрӧлчи кӱӱндӱ јииттерди таскадар

02.11.2018

Россияныҥ Геройы, Россия Федерацияныҥ президентиниҥ башкартузыныҥ јондык ӱлекерлер аайынча референти Алексей Романов Алтай Республиканыҥ башкарузында јуучыл-тӧрӧлчи, волонтерлордыҥ ла ветеран организациялардыҥ чыгартулу улузыла туштажу ӧткӱрген.

Јуунныҥ туружаачыларын Алтай Республиканыҥ башчызы, башкарузыныҥ председатели Александр Бердниковтыҥ адынаҥ башкаруныҥ председателиниҥ ордынчызы Игорь Коршунов уткыган. Ол бойыныҥ куучынында темдектеген: «Россияныҥ президенти Владимир Путин јашӧскӱримниҥ јуучыл-патриот таскадузына јаан ајару эдип јат. Эмди совет албатыныҥ Ада-Тӧрӧл учун Улу јууда бӱдӱрген ат-нерелӱ керектерине, ороонныҥ јуучыл Ийде-кӱчтерине ле черӱчилдерге јаҥы баа берилет. Бӱгӱнги кӱнде ороонныҥ јуучыл Ийде-кӱчтери јаҥы јуучыл јепселле толо јепселет. Россия јер-телекейде бойын ойто ло улу ла кӱчтӱ ороон деп кӧргӱзет. Ол кандый ла айалгаларда бойыныҥ национальный јилбӱлерин корулап аларга белен».

Алтай Республиканыҥ башкарузыныҥ председателиниҥ ордынчызыныҥ айтканыла, тергеениҥ башкарузы јашӧскӱримниҥ јуучыл-патриот таскадузына ла оныҥ ӧзӱмине јаан ајару эдип јат. Бу суракты республиканыҥ башчызы Александр Бердников бойыныҥ туура салбас ајарузында тудат. Бу јанынаҥ бӱдӱрип турган бастыра иш республикада ла ороондо су-кадык ла кӱчтӱ общество тӧзӧп аларына ууламјылалган. Вице-премьердиҥ айтканыла, Алтай Республика ороонныҥ ӧскӧ тергеелериле кожо Россияныҥ ӱренчиктериниҥ кыймыгузында эрчимдӱ туружып јат. 2016 јылда бистиҥ республикада он бир пилотный школдор иштеген болзо, бӱгӱнги кӱнде олордыҥ тоозы јетен экиге јеткен. Бӱгӱнги кӱнде ӱренчиктердиҥ бастырароссиялык кыймыгузында 7,5 муҥ бала туружат. Бир муҥнаҥ ажыра ӱренчик «Юнармияныҥ» кыймыгузында эрчимдӱ туружып јат.

Бӱгӱнги кӱнде бистиҥ тергееде тӧрӧлчи ууламјылу сегизен тогус биригӱ једимдӱ иштейт. Јуучыл-тӧрӧлчи клубтардыҥ тоозы дезе одус тогус. Бу биригӱлерге ле клубтарга эки муҥнаҥ ажыра бала јӱрет. Јуучыл-тӧрӧлчи уууламјылу керектерде туружып турган ӱренчиктердиҥ тоозы јылдаҥ јылга там ла кӧптӧп јат. Клубтар бедиреечи отрядтардыҥ ижин тӧзӧп, олорло кожо 1941-1945 јылдарда Ада-Тӧрӧл учун Улу јууныҥ калапту јуу-согуштары ӧткӧн јерлерде јеҥ јастанган јуучылдардыҥ мӧҥкӱлерин бедиреер иштерде эрчимдӱ туружат. Јашӧскӱрим бу керектерде јуучыл-тӧрӧлчи таскаду алат. Бедиреечи клубтардыҥ туружаачылары бистиҥ јерлештеристиҥ јылыйган мӧҥкӱлерин табып, ойто тӧрӧл Алтайына јандырат. Игорь Коршуновтыҥ айтканыла, бистиҥ республикада анайда ок ветерандардыҥ ла јондык кыймыгулардыҥ коммерциялык эмес јирме алты организациязы иштеп јат. Олор јашӧскӱрим ле школдыҥ ӱренчиктери ортодо база јаан таскадулу иш ӧткӱрет.

Россия Федерацияныҥ Геройы Алексей Романов бойыныҥ уткуулду сӧзинде јондык биригӱлер ороондо кӧп тоолу учурлу ӱлекерлерле иштеп јат деп темдектеген. Ӱлекерлердиҥ тӧс амадузы — јашӧскӱримге ич кӧгӱс-байлыгын ачарына болужар, олорды Тӧрӧлин сӱӱрине таскадар ла каруулу болорына ӱредер. Тӧс јердеҥ келген айылчы бойыныҥ куучынында јаан ајаруны «Јеҥӱниҥ Волонтерлоры» деген јондык кыймыгуныҥ, Россияныҥ бедиреечи кыймыгузыныҥ «Вымпел» деп јуучыл-патриот тӧс јериниҥ, јуучыл ветерандардыҥ «Боевое братство» деген текшироссиялык организациязыныҥ бӱдӱрип турган иштерине эткен.

Туштажуда «Ӱйелердиҥ эземи» деген килемјилик фондтыҥ бӱдӱрип турган иштери керегинде оныҥ директоры Екатерина Круглова куучындаган. Бу фонд бӱгӱнги кӱнде јуучыл керектерде туружып, кенек арткан јуучылдарга бийик технологиялу медициналык болушты толо кеминде јетирет. Е. Круглова Алтай Республиканыҥ јуучыл-тӧрӧлчи ле ветеран организациялардыҥ башкараачыларын олордыҥ фондыла јуук колбу тудуп, болуш керек болзо, јаантайын баштанзын деп сураган.

Туштажуда анайда ок Россия Федерацияныҥ Федерация Совединиҥ турчызы Владимир Полетаев, Алтай Республиканыҥ ӱредӱ ле билим аайынча министри Алексей Бондаренко, республиканыҥ јуучыл комиссары Олег Денисенко, јуучыл-тӧрӧлчи клубтардыҥ ла ветерандардыҥ организацияларыныҥ чыгартулу улузы турушкан.

Алтай Республиканыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым