Айлыктыҥ кӧдӱриҥилӱ jабылтазы

09.11.2018

Јаан јаштулардыҥ бӱткӱл ӱлӱрген айдыҥ туркунына ӧткӧн айлыгыныҥ јабылтазы П. В. Кучияктыҥ адыла адалган эл театрда кӱчӱрген айдыҥ 2-чи кӱнинде кӧдӱриҥилӱ айалгада болды.

Тергеебистиҥ бастыра аймактарынаҥ ла тӧс калазынаҥ келген јаан јаштуларды Алтай Республиканыҥ бӱдӱреечи ле јасакчы јаҥдарыныҥ чыгартулу улузы, јондык биригӱлердиҥ јаандары уткып, Алтай Республиканыҥ башкарузыныҥ ла Эл Курултайыныҥ бийик кайралдарын табыштырды.

Айлыктыҥ ӧйинде тергеениҥ ончо аймактарында, Горно-Алтайск калазында, ыраак ла јуук јурттарында јонјӱрӱмдик службалардыҥ, культураныҥ ла ӱредӱликтиҥ ишчилери каргандарды јууп, ойын-концерттер, кӧрӱлер, спорт ло интеллектуал маргаандар, конкурс-маргыштар ла башка-башка ууламјылу акциялар, экскурсиялар тӧзӧгилеп ӧткӱргендер. Ол тоодо карганактар ортодо компьютерле республикан кеминде маргыштар ла спорт спартакиада ӧткӱрилген. Онойдо ок кезик аймактардыҥ јаан јаштулары јербойындагы ветерандардыҥ советтериниҥ јаандарына баштадып, каладагы эл театрда ӧткӧн спектакльдарга, ӧскӧ тергеелердиҥ артисттериниҥ ойын-концерттерине келип јӱргендер. Ол тоодо олор айылдаш хакас калыктыҥ драма театрыныҥ ла кӱӱлик ӧмӧлигиниҥ, ыраак калмык калыктыҥ бије ӧмӧлигиниҥ јаркынду ойын-концерттерине јӱргендер.

Јаан јаштулардыҥ ороонныҥ, тергеебистиҥ, тӧрӧл аймагыныҥ ла јуртыныҥ ӧзӱмине эткен керектерин, бӱдӱрген ижин баалап, олорго тоомјылу ла быйанду јӱргендерин јашӧскӱрим, јаҥдар бу айлыкта база катап кӧргӱзип, кӧдӱрип салганы оморкодулу. Је олорго аҥылу ајару эдери, килемјилӱ керектер ӧткӱрери јаҥыс ла айлыкла тӱгенбеген, олор улалып јат.

Н. БЕЛЬЧЕКОВА
Е. БУТУШЕВТИҤ фотојуругы
(Айлыктыҥ јабылтазы керегинде элбеде јетирӱни газеттиҥ ээчиде номеринеҥ кычырыгар)

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина