Баалу сыйлар ээлериниҥ колдорында

09.11.2018

«Алтайдыҥ Чолмоны» газет кычыраачыларын јилбиркедип, канча јылдыҥ туркунына олор ортодо сыйлардыҥ лотерея-ойынын ӧткӱрет.

Алтай тилдиҥ кӱнине учурлалган быјылгы ойын-розыгрыштыҥ сыйлары анчада ла баалу болды. Ол бойы ӱлӱрген айдыҥ 16-чы кӱнинде Албатылардыҥ најылыгыныҥ туразында ӧткӱрилген болзо, сыйлар ээлерине М. М. Чевалковтыҥ адыла адалган эл библиотекада бу јуукта кӧдӱриҥилӱ айалгада табыштырылды.

Планшетти ле эки смартфонды аларга, олорды ойноп алган Наталья Енчинованыҥ, Остап Кыйыновтыҥ ла Мира Тодошеваныҥ јиит тӧрӧӧндӧри келди. Эҥ баалу сыйдыҥ ээзи — калада јадып турган Григорий Кудирмеков оогош темир адына келип, кычыраачыларга бойыныҥ сӧзин де айтты. Ол «Алтайдыҥ Чолмонын» 20 јыл кире ӱзӱктелтпей бичиткен чындык кычыраачы. «Мотоциклле маҥтадар бала-барка кӧп. Оны ойноп то алганымда балдарымныҥ ырызы тарткан болор» — деп, Г. Кудирмеков айтты. Ол јерлештерин, анчада ла јииттерди јаҥыс болчок алтай газедине бичидип, алтай тилин корыырында турушсын деп кычырды.

Албатыныҥ культуразыныҥ, јаҥжыгуларыныҥ ла алтай тилдиҥ корыычызы «Алтайдыҥ Чолмоны» газеттиҥ баш редакторы А. М. Кыйгасова јуулгандарга баштанып, ырысту кычыраачыларды баалу сыйлар ойноп алганыла уткыды, лотерея-ойынды ӧткӱрерине јаан јӧмӧлтӧзин Артур Сабин јетиргенин темдектеди.

Тӧрӧл газедис мынаҥ да ары кычыраачыларын јилбиркедип, лотерея-розыгрыш ӧткӱрер јаҥжыгузын улалтары керегинде база айдылган.

Э. КУРГАРИНОВА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым