Ойын ажыра тӱӱкизиле танышкан

13.11.2018

Быјыл Ада-Тӧрӧл учун Улу јуу ӧйинде Сталинградтагы јуу-согуштыҥ 70 јылдыгы темдектелет. Јеҥӱниҥ волонтерлорыныҥ бастырароссиялык кыймыгузы ого учурлай тӱӱкилик квест-кып деген ӱлекерин бистиҥ тергеебистеҥ баштады. Бу ӱлекердиҥ кӧдӱриҥилӱ ачылтазы кӱчӱрген айдыҥ 9-чы кӱнинде Албатылар најылыгыныҥ туразында ӧтти.

Тӱӱкилик квест-кып деген ӱлекер бу јылдыҥ кочкор айында Волгоград калада иштеп баштаган. Оныҥ ачылтазында орооныстыҥ президенти Владимир Путин турушкан. Квест-кыпта кӱӱнзегендер аҥылу виртуальный реальностьтыҥ очкилерин кийип, Ада-Тӧрӧл учун Улу јууныҥ ӧйлӧрине бурылат. Ойын кептӱ јазалган айалгаларда улус эп-сӱме табып, јакылталар бӱдӱрип, бойлорын Тӧрӧлин корып тургандый сезедилер.

Квестте белетелген айалгалар туружаачыларын 75 јыл кайра Павловтыҥ туразына апарат. 1942 јылда ондо бир канча совет јуучылдар ӧштӱге тыҥ удурлажу эткен.

Бу квест-кыпты беш миллионноҥ кӧп кижи кӧрӧр аргалу. Эҥ ле озо ол бистиҥ калабыска јорыктап келди. Горно-Алтайскта ӧткӧн ачылтада јуулгандарды АР-дыҥ башкарузыныҥ председателиниҥ ордынчызы И. Коршунов, АР-дыҥ Эл Курултайыныҥ ӱредӱлик, культура, јашӧскӱрим политика, спорт, СМИ-лер ле јондык биригӱлер аайынча комитединиҥ јааны В. Уханов уткыдылар. Онойдо ок Сталинградтагы јуу-согуштыҥ туружаачызы, Ада-Тӧрӧл учун Улу јууныҥ ветераны Н. Янышкин бойыныҥ јуучыл јолы керегинде кыскарта куучындады.

Бу ӱлекерди баштаган «Јеҥӱниҥ волонтерлоры» деген кыймыгуга орооныстыҥ 85 тергеезинеҥ 190 муҥ кире кижи кирет. Олор мындый ӱлекерлердеҥ башка ветерандарга болужып, јуучыл кереес јерлер, мӧҥкӱлер јазаар ла о.ӧ. иштер бӱдӱрет.

Кӱчӱрген айдыҥ 9-11 кӱндеринде квест-кыпта анчада ла балдар тӧрӧлчи кӱӱнин, билгирлерин тереҥжидип, орооныныҥ тӱӱкизиле јууктада таныштылар.

Э. КУДАЧИНА

Е. БУТУШЕВТИҤ фотојуругы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина