Полицейскийлер тӧрт кижини аргадаган

20.11.2018

Алтай Республиканыҥ полициязыныҥ эки ишчизи ӧдӱп јаткан јылдыҥ сыгын айында јалтанбазын ла ат-нерезин кӧргӱзип, тӧрт кижиниҥ јӱрӱмин аргадап алгандар. Бу керек Турачак аймакта болгон. Ол керегинде Россияныҥ МВД-ныҥ федерал сайты јетирет.

Полицияныҥ Турачак аймактагы муниципалиттер ортодогы бӧлӱгиниҥ уголовный розыск аайынча баш оперуполномоченныйы полицияныҥ майоры Анатолий Башкирцев ле старший лейтенант Алексей Ельчуков службазын тӱгезип, тӱн ортозында кӧлӱктӱ ойто јанып јаткандар. Удаловка јурттыҥ јаныла ӧдӱп јадарда, олорго туралардыҥ бирӱзинде ӧрт чыкканы кӧрӱнген. Јеткер болбойтон јерге јетире маҥтадып, полицейскийлер аймактагы бӧлӱктеги дежурный частька тӱрген-тӱкей јетирӱ ийгендер. Бойлоры ӧйди тегин јерге јылыйтпай, от-јалбышка алдырткан тура јаар јӱгӱргендер. Чедендерге јууктап келеле, отко тыҥ кӱйӱп калган эр кижини кӧрӱп ийгендер. Таныш эмес кижи кӱйӱп јаткан тураныҥ ичинде арткан билезин аргадаарга ченежип турган.

Полицейскийлер кӧзнӧктиҥ шилин оодып ийерде, от-јалбыштыҥ ортозынаҥ оогош бала кучактанып алган ӱй кижи чыгара јӱгӱрип келген. Полицейскийлердиҥ бирӱзи кызычакты ӱй кижиниҥ колынаҥ чебер алган. Анатолий Башкирцев оогош балага болуш јетирип турарда, Алексей Ельчуков турадаҥ санаазын ычкынып ийген ӱй кижини чыгарган. Је јабынтызыныҥ алды ышла бӱркелген, стенелериниҥ јарымызы кӱйӱп калган тураныҥ ичинде база бир оогош бала — тогус јашту уулчак артканы јарталган. Полицияныҥ старший лейтенанты ол ло тарый ӧрт болуп турган турага ойто кирген. Кижиниҥ тыныжын бууй тартар ыштыҥ ортозында јалтанбас полицейский кыска ӧйгӧ полдо јаткан уулчакты табып, тышкары чыгарган. Полицейскийлер ӧрткӧ алдырткан билени јурттыҥ медпунктына јетирип, ӧрт болгон јерге ойто бурылып, эмчилердиҥ тӱрген болуш јетирер кӧлӱги ле аргадаачылар келгенче, јанында турган туралардыҥ улузын јеткер болбос јерге кӧчӱргендер.

Ӧрт ӧчӱреечилер једип келерде, полицейскийлер медпунктка келип, аргадаган улустыҥ су-кадыгыныҥ айалгазыла јилбиркегендер. Билениҥ јааныныҥ от-јалбышка тыҥ кӱйгени јарталган. Ого тӱрген-тӱкей болуш јетирер керек болгон. Анатолий Башкирцев ле Алексей Ельчуков артык сӧс айтпай, эр кижини аймактыҥ эмчилигине јетиргендер. Эмчилер олордыҥ кийнинеҥ эки баланы ла олордыҥ энезин экелгендер. Тургуза ӧйдӧ бу билениҥ су-кадыгына кандый да айалгалар качалаҥын јетирбей јат деп, Россияныҥ МВД-ныҥ пресс-службазы јетирет.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина